ئەڤ جەژنە دكەفتە دپێنج شەمبوویا ئێكێدا ژ مەها سباتا رۆژهلاتی،سێ رۆژا بەری هنگی،ئانكو رۆژێن:دووشەمبوویێ و سێ شەمبوویێ و چار شەمبوویێ رۆژینە و پێنج شەمبوویێ جەژنە،ڤێ جەژنێ ژی گرێدانەك ب وەرزێ چاندنێ چاندنێ و سروشتی ڤە هەیە.
رێ و رەسمێن جەژنێ:
1_ل رۆژا دووشەمبوویێ هەر مالەك هندەك دەخل و دانی دقەلینت،دبێژنێ قەلاتك.
2_ ل رۆژا چار شەمبوویێ،قەلاتكا دهێرن و دكنە(پێخون).
3_هەر دیسان ل رۆژا چار شەمبوویێ،ئانكو ل هێڤارا جەژنێ،كابانیێن مالا هندەك پێخوونێ دسێنیكەكێ دكەن و ل سەرێ خانیێ مالێ دادنێن،ب وێ هیڤیێ كو خدر لیاس نیشانەكێ لێكەت.و ببتە هیمایا خێر و بەرەكەتی دمالێ دە.
4_ل سبەیكا جەژنێ ساڤارێن هێرای و قەلاندی دكەنە زادێ جەژنێ و دبێژنێ(چەرخووس).
5_جۆتیار هندەك پێخوونێ ل زەڤی یێن خۆ درەشینن بۆ خێر و بەرەكەتێ.
هندەك بیر و باوەرێن ڤێ جەژنێ:
1_ل رۆژێن رۆژیا و جەژنێ،نێچیر قەدەغەیە و سەربر نائێنە سەرژێكرن.
2_هەروەسان دوان رۆژان دا،ئێزدی ب رێ و رێباریێن دوور ناچن.
3_باوەری هەیە كو دشەڤا جەژنێدا هەر گەنجەكێ دخەونا خۆ دا ئاڤێ ل مالەكێ ڤەخۆت،دێ قیزا وێ مالێ بتە نەسیبێ وی و هەمان باوەری بۆ قیزێ ژی هەیە.
گرنگیا ڤێ جەژنێ دناڤ ئێزدیان دا:
جەژنا خدر لیاس،ب ئێك ژ جەژنێن هەرە كەڤن دئێتە هژمارتن،پتریا مللەتێن كەڤن،ل دەڤەرا رۆژهلاتا ناڤین،رێ ورەسمێن ڤێ جەژنێ دگێرن.
جڤاكێ ئێزدیا ئێك ژ وان جڤاكایە،رێ ورەسم و بیر و باوەرێن ڤێ جەژنێ پاراستینە و هەتا نۆكە گرنگییەكا زۆر پێ ددەن،خدر و لیاس ژی دناڤ ئێزدیان دا،دوو چاكێن خودێنە،پووتەدان ب ڤێ جەژنێ و هەردوو چاكا_خدر و لیاس_دناڤ ئێزدیان ب ڤی رەنگێ ل خوارێ خویا دبت:
_پووتەكا مەزن ب ناڤێن(خدرولیاس)ددەن.
_چەندین نیشانگەهێن(خدر،لیاس)لگوند و دەڤەرێن ئێزدیان و ل پەرستگەها پیرۆزا لالش هەینە.
ئێزدیخان نیوز:
كوردێن ئێزدى سه‌ره‌راى كاوادنێن تێرا ده‌رباز دبن،ده‌ست ب گێرانا رێ وره‌سمێن جه‌ژنا خدر لياس كرن و رۆژا پێنج شه‌مبوويێ 16شووباتێ دبته جه‌ژن.
تعليقات