د دیدارا لالش دا كوردێن ئێزدی داخوازیێن خۆ پێشكێشی حكوومەتا هەرێما كوردستانێ كرن
ئێزدیخان نیوز:
دەستەیا بلندا بنگەهێ لالش یێ رەوشەنبیری و كۆمەلایەتی،لیژنەیێن رەوشەنبیری و لێكۆلینێ دیدارا لالش یا ئێكێ،ل ژێر ناڤێ(ئێزدی و پرۆژێ دەولەتبوونا كوردستانێ)،ئیرۆ شەمبوویێ،ل هۆلا بنگەهێ لالش ل دهۆكێ ساز دا.
ب ئامادەبوونا"جەعفەر ئیبراهیم"جێگرێ سەرۆكێ پەرلەمانێ كوردستانێ و ئەندامێ مەكتەبا سیاسی یا پارتی و "فەرهاد ئەتروشی"پارێزگارێ دهۆكێ و ژمارەكا زۆرا كەسایەتی و رەوشەنبیر و مامۆستا و گەنجان و ئەندامێن تایێن بنگەهێ لالش،ل دەمژێر 3ی هێڤاری دیدارا لالش و پەنەلێ ئێكێ دەستپێكر و ل پێشیێ بخێرهاتنا مێڤانان هاتە كرن و وەك رێزگرتن بۆ گیانێ جانگۆریێن كوردستانێ ئامادەبوویی خۆلەكەكێ راوەساتیان.
ل پەنەلێ دووێ چەند پرسەك ل دۆر ئێزدی و پرۆژێ دەولەتبوونا كوردستانێ و رەوشا ئێزدیان ب شێوەیەكێ گشتی لگەل بەرێزان"جەعفەر ئیبراهیم"جێگرێ سەرۆكێ پەرلەمانێ كوردستانێ و ئەندامێ مەكتەبا سیاسی یا پارتی و "فەرهاد ئەتروشی"پارێزگارێ دهۆكێ و"مۆید تەیب"رەوشەنبیر و نڤیسكار و "كەریم سلێمان"شارەزا دوارێ ئێزدیا دا هاتنە كرن.
د دیدارێ دا و دەربارەی پاشەرۆژا ئێزدیان،كوردێن ئێزدی داخوازیێن خۆ پێشكێشی سەركردایەتی و حكوومەتا هەرێما كوردستانێ كرن.
ل داویێ دەرگەهێ گەنگەشێ دناڤبەرا مێڤانان و ئامادەبوویان دا هاتە ڤەكرن.
تعليقات