بنگه‌هێ لالش پێكۆلێن مه‌زن بۆ ناساندنا كارەساتا شنگالێ ب جینۆساید كرينه
تۆرا لالش یا راگەهاندنێ:
شێخ شامۆ،سەرۆكێ دەستەیا بلندا بنگەهێ لالش ل دهۆكێ راگەهاند:" بنگەهی پێكۆلێن مەزن ل سالا بۆری ئێخستینە كار بۆ خورتكرنا پەیوەندییان دگەل دەزگەه و كۆنسلخانەیان،ژبۆ فشاركرنێ ل سەر وان بۆ ناساندنا كارەساتا شنگالێ ب جینۆسایدێ،دیسان بنگەهی كاری ئازارێن ئێزدیان بگەهینت ب تایبەتی ل كەمپان بۆ وان دەزگەه و رێكخراوان بۆ پێشكێشكرنا هاریكارییان بۆ وان".
بەرێز"شێخ شامۆ"سەرۆكێ دەستەیا بلندا بنگەهێ لالش دكۆمبوونا ئاسایی ل ئاڤاهیێ دەستەیێ ل رێككەفتی 14/1/2017ێ دگەل هەموو ئەندامێن دەستەیا بلند و سەرۆكێن تایان،رۆلێ تایێن بنگەهی ل سالا 2016ێ بلند نرخاندن،ب تایبەت دبوارێ دكیۆمێنتكرنا دۆسەیا كارەساتا شنگالێ دا و پێشكێشكرنا هاریكارییان بۆ خەلكێ ئاوارە و هەماهەنگی دگەل رێكخراوێن جودا بۆ پشتەڤانیا وان و دۆسەیا قوتابیان و هەموو چالاكیێن رەوشەنبیری و جڤاكی،داخوازكر پێكۆل و چالاكیێن خۆ بۆ ئەڤ سالە چرتر بكن،دیسان پیرۆزباهی ل ئامادەبوویان كر ب هەلكەفتا سالا نوو،دووپاتكر كو بنگەه ل ڤێ هەفتیێ دێ رابت ب دەرێخستنا سالناما سالانە و دێ ل سەر مالێن ئێزدیان ئێتە بەلاڤكرن،هەروەسا ئاماژەكر كو بنگەهی پێكۆلێن مەزن ل سالا بۆری ئێخستینە كار بۆ خورتكرنا پەیوەندییان دگەل دەزگەه و كۆنسلخانەیان،ژبۆ فشاركرنێ ل سەر وان بۆ ناساندنا كارەساتا شنگالێ ب جینۆسایدێ،دیسان بنگەهی كاری ئازارێن ئێزدیان بگەهینت ب تایبەتی ل كەمپان بۆ وان دەزگەه و رێكخراوان بۆ پێشكێشكرنا هاریكارییان بۆ وان.
دلایەكێ دی یێ كۆمبوونێ دە،"شێخ شامۆ"داخوازكر كو فەرە ل هەیڤا بێت كۆمبوونەك بێتە گرێدان دگەل هەموو سەرۆكێن تایی و نڤیسینگەهان دگەل دەستەیێن خۆ یێن كارگێری و لگەل وان ب ئاخڤن ل سەر گرنگترین ئەركان و مافێ ڤان ئەندامان و چ ئەرك ل سەر وانە.
هەر دكۆمبوونێ دە سەرۆكێ دەستەیا بلند سوپاسیا حكوومەتا هەرێمێ و بەرێز"مەسعود بارزانی"سەرۆكێ هەرێما كوردستانێ ل سەر هەولێن وان بۆ رزگاركرنا دەڤەرێن داگیركری ژبال رێكخراوا داعش كر،ب تایبەت رزگاركرنا باشیك و بەحزانێ ل سەر دەستێ پێشمەرگێ قارەمان،هیڤیدارین دیاردا دزیان دووبارە نەبت ئەوا ل ڤێ داويێ ل هەردوو دەڤەران چێبووین و هەولدانا هندەك نەفس لاوازان چێكرنا فتنێ دناڤبەرا خەلكێ،دخوازین ژ خەلكێ دهشیار بن.
ژلایەكێ دیڤە،گەنگەشە دناڤبەرا ئامادەبوویان دا هاتە كرن و ل سەر هەر تایەكی خشتەیەكێ كاروباران و پلانا نیڤ سالانە بۆ ئەڤ سالە بنڤیسن.
تعليقات