ئێزدیخان نیوز:
ژمارەیەكا مەزنا حالەتێن رەتكرنا مافێ پەنابەرەتیێ بۆ پەنابەرێن ئێزدی ل ئەلمانیا هاتینە،چالاكڤانەكا ئێزدی ئاشكەراكر كو پێنگاڤێن جدی بۆ ڤی بابەتی هاتنە كرن و رەنگە ل نێزیك ژبال پارتێن سەرەكی ل پەرلەمانێ ئەلمانیا بێتە پێشنیاركرن.
چالاكڤانا ئێزدی"نارین شەمۆ"دراگەهاندنەكێ دا دیاركریە:"ئەو جهێن من سەرەدانا وان كرین بەرسڤا من داینە،نۆكە پێنگاڤێن جدی ب كریار هاتنە كرن،دڤێت رێكخراوێن نێڤ دەولەتی و كەسایەتیێن پارتی یێن ئەلمانی لگەل جهێن فەرمی ب ئاخڤن و رەنگە ل نێزیك ژبال پارتێن سەرەكی ل پەرلەمانێ ئەلمانیا بێتە پێشنیاركرن،دووپاتكریە ژی ژمارەكا مەزنا حالەتێن رەتكرنا مافێ پەنابەرەتیێ بۆ پەنابەرێن ئێزدی ل ئەلمانیا هاتینە و گەهشتینە وێ،دێ هەول دەم ب تەمامی جەردێ ل سەر بكەم و راپۆرتەكێ ل سەر ژمارە و دەڤەرێن ژێ و ئەگەرێن رەتكرنێ و بهنێرم بۆ هەموو جهەتەكی بڤێت كاربكەت ل سەر ڤێ دۆسێ".
دبێژت ژی یا ڤەنەجقی مە ب رەتكرنا داخوازا پەنابەرەتیا كەسانێن ددەستێ داعشێ دابوون و یێن دی خێزانێن وان یان هێشتا ددەستێ داعش دانە و دیسان ئەوێن ل كاودانێن دەردەسەریێ دا ل سەرێ چیایێ شنگالێ ماین ل ماوێ دوورپێچكرنێ دا.
شەمۆ تەكەز كریە ل ڤێدەرێ داخوازێ ژ هەموو جهێن ئێزدیان یێن فەرمی ل ئەلمانیا دكەم ب جدی ب لڤن،ژبەركو خەلكێ مە پێدڤی وانە.
تعليقات