رازەمەندی ل سەر دەركرنا پلێن دامەزراندنێ بۆ قەزا شنگالێ هاتە دان
ئێزدیخان نیوز:
وەزیرێ پەروەردا عێراقێ رازەمەندی نیشان دا،بۆ درێژكرنا ماوێ پێشكێشكرنێ بۆ ئەزموونێن دەرەكی بۆ قەزا شنگالێ و مەزاختنا وانەبێژان بۆ وانەبێژان و دەركرنا پلێن دامەزراندنێ بۆ قەزایێ ل وەختەكێ نێزیك دا.
مەحما خەلیل،قایممقامێ قەزا شنگالێ دگەل"مەحەمەد ئقبال" وەزیرێ پەروەردا عێراقێ و رێڤەبەرێ گشتی یێ هەلسەنگاندن و ئەزموونان ل دیوانا وەزارەتا پەروەردێ ل بەغدایێ كۆمبوو.
راگەهاندنا قایممقامیا قەزا شنگالێ راگەهاند:"دڤێ كۆمبوونێ دا ژمارەكا بابەتێن گرنگ هاتنە گەنگەشەكرن و قایممقامێ شنگالێ داخوازا درێژكرنا ماوێ پێشكێشكرنێ بۆ ئەزموونێن دەرەكی بۆ قەزا شنگالێ و مەزاختنا وانەبێژان بۆ وانەبێژان و دەركرنا پلێن دامەزراندنێ بۆ قەزایێ كر،ژئالیێ خۆڤە وەزیرێ پەروەردێ رازەمەندی دا بۆ درێژكرنا ماوێ پێشكێشكرنێ بۆ ئەزموونێن دەرەكی بۆ قەزا شنگالێ و مەزاختنا وانەبێژان بۆ وانەبێژان و دەركرنا پلێن دامەزراندنێ بۆ قەزایێ و ئاڤاكرنا دوو قوتابخانێن نمونەی ل شنگالێ و ڤەكرنا بنگەهەكێ ئەزموونا ل ناوچەدارییا سنوونێ".
تعليقات