ئاوارێن ل سنوونێ دئاكنجی پێدڤی خزمەتكاریێن سەرەكی و هاریكاریێن مادی نە
ئێزدیخان نیوز:
ئەندامەكێ جڤاتا ناوچەدارییا سنوونێ ئاشكەراكر:"ئاوارێن ل سنوونێ دئاكنجی پێدڤی ب ب خزمەتكاریێن سەرەكی و هاریكاریێن مادی نە، ژبەرنەبوونا دەلیڤێن كاری بێكاری ل دەڤەرێ هەیە.
سلێمان فانۆ،ئەندامێ جڤاتا ناوچەدارییا سنوونێ بۆ مالپەرێ(ئێزدیخان نیوز)دیاركر:"خێزانێن ل ناوچەداریێ ب هەموو كۆمەلگەه و گوندان ڤە بۆ دوو بەشان هاتینە دابەشكرن ئەو ژی ئێك،ئاوارە ژ سەنتەرێ قەزا شنگال و ناوچەداریێن گرعزێر و قەیروان و دەڤەرێن گرێدایی وان و پتریا وان پێدڤی ب خزمەتكاریێن سەرەكی نە،ژبەركو ئەو دخیڤەتێن نەباش دانە ورەوشا وان یا مەعیشی ژی یا خرابە،بەشێ دووێ خەلكێ سنوونێ نە ئەو ژی ئەون یێن ل چیایی ماین یان ڤەگەریاینە مال و دەڤەرێن خۆ،بەلێ چار هەزار خانی ل هەموو دەڤەرێن سنوونێ دناڤبەرا پەقین و سۆتنێ دانە،لەوا ئەو ژی ل خیڤەتان دا دژین و یێن دی ل مالێن خۆ دانە،ژیان ل دەستپێكێ دایە،چنكو خانیێن وان ژبال داعش ڤە هاتینە تالانكرن،لەوا بەری هەر تشتەكی ئەو پێدڤی ب هاریكاریێن مادی نە،دا بكارن پێتڤیێن فەر بۆ مالێن خۆ بكرن و ژیانا خۆ ب شێوەیەكێ سروشتی ببەنە سەر".
فانۆ گۆتژی بێكاری ل دەڤەرێ هەیە،ژبەرنەبوونا دەلیڤێن كاری، مەعیشەتا پتریا خەلكێ ل سەر هاریكارییانە و ئەو ژی دكێمن.
تعليقات