دهۆك -KDP.info-
بەرپرسی نووسینگەی ڕفێنراوانی دەستی تیرۆریستانی داعش بە وەكالەت لە شاری دهۆك ڕایگەیاند، خێزانێكی تر لە كوردانی ئێزدی ئەوانەی لە دەست تیرۆریستانی داعشدان، رزگار كران و بە كەسوكاری خۆیان شاد بوونەوە.
(دەرمان خەتاری)، بە ماڵپەری فەرمیی پارتی دیموكراتی كوردستانـی راگەیاند: "ئه‌م بەیانیی چوارشەممەیه و لە هەوڵە بەردەوامەكانماندا توانیمان لەنێو شاری مووسڵ و بە هاوكاریی ئاساییشی ئەو شارە، خێزانێكی تر لە كوردانی ئێزدی لە دەست تیرۆریستانی داعش رزگار بكەین، كە پێك هاتوون لە دایكێك و دوو كچ".
(خەتاری) گوتیشی: "دوو ئافرەتی دیكه‌ش دوێنێ رزگار كران، بەمەش كۆی گشتیی رزگاربووانی ئێمە گەییشتە (1878) كەس و لە هەوڵەكانیشمان بەردەوام دەبین تاوەكو بتوانین ئەوانەی تریش رزگار بكەین".
تعليقات