باسنيۆز:له‌زگين جۆقى
قائیمقامێ قەزا شنگال دیاركر، گوژمێ 100 ملیون دیناران بۆ قوناغا ئێكێ یا نوژەنكرنا سایلویا شنگال هاتە تەرخانكرن. لێژنەكا ئەندازیاری بۆ ئەنجامدانا وی كاری هاتیە دروستكرن. ل نێزیك دێ دەست پێ كەن بۆ هندێ سالا بهێت بەرهەمێ گەنمێ جوتیاران وەربگریت.
مەحما خەلیل، قائیمقامێ قەزا شنگال بۆ (باسنیوز) دیاركر: "جوتیارێن شنگال دەخلودانێ چاندینە ئەڤ سال ل وەرزێ دورینێ دێ گەنمێ جوتیارێن شنگال ل سایلویا شنگال هێتە وەرگرتن. نۆكە دێ قوناغا ئێكێ یا نوژەنكرنا سایلویێ دەست پێ بكەت دووڤدا دێ دەست ب قوناغا دویێ یا نوژەنكرنا سایلویێ هێتە كرن.
حكومەتا هەرێما كوردستانێ هەموو دەرگەه بۆ خزمەتكرنا شنگال ڤەكرینە. ئەم وێ باوەرێ داینە دێ شنگالەكا مۆدێرن ژی هێتە ئاڤاكرن چونكو گوژمەكێ زۆر پارەیێ هاتیە تەرخانكرن بۆ ئاڤەداینا شنگال و پرۆژەیێن خزمەتگوزاری ژلایێ دەولەتێن جیهانێ ڤە".
خۆیا ژی كر:"ئەم دێ كاركەن سایلویەكا دی ژی ل دەڤەری بهێتە دروستكرن چونكو رووبەرەكی مەزن ئەردێ چاندنی ل دەڤەرێ هەیە. جوتیار سالانە دكەنە گەنم وبەرهەمەكێ باش ژێ دهێت".
تعليقات