جەژنا بێلندێ ئێكە ژ جەژنێن هەره كەڤن و دێرین
ئێزدیخان نیوز:
ئێكە ژ جەژنێن هەره كەڤن و دێرین،رە و ریشالێن وێ دزڤرنە بەری هەزارێن سالان،رێ ورەسمێ، ژڤی رەنگی دناڤ مللەێن كەڤن دا هاتینە پەیرەوكرنە و هەتا نۆكە ل جەم ئێزدیان هاتینە پاراستنە و دئێنە گێران،ئەڤ جەژنە دكەفتە دئینیا دووێ دا ژ چلێ زڤستانێ،ئانكو ئینیا سێیێ ژ مەها كانوونا ئێكێ یا رۆژهلاتێ.
رێ ورەسمێن جەژنێ:
1.بەری رۆژا جەژنێ،سەوكا دپێژن و كەل و پەلێت جۆت و جۆباری ژ هەڤیری دروستدكەن و دپێژن،هەروەسان خوارنێن تایبەت یێن مینا:كەشك،كشام،شلك...دئێنە چێكرن.
2.ل رۆژا چارشەمبوویێ یان پێنج شەمبوویێ،ژنك سەرا زەهمانێ گوندی ددەن و ل وێدەرێ سەوكا و زادی ب خێرا مریێن خۆ بەلاڤ دكەن.
3.ل هێڤارا جەژنێ،دەمێ جۆتیار ژ جۆتی دزڤرن،گۆرگا گای دئێتە كرن.
4.ل هێڤارا جەژنێ،پشتی رۆژئاڤا،مالخۆیێ مالێ خەولێرێ ل سەر پشتا زارۆكەكی دشكینت و پرتێن وێ ب سەر ئەندامێن خێزانێدا پشكدكەت.
5.سەربر دئێتە سەرژێكرن.
شرۆڤەكرنا هندەك رێ ورەسەمان:
1.گۆرگا گای:ئەڤ رێ ورەسمە هێمایە بۆ دوماهی هاتنا وەرزێ چاندنێ،هێڤاری دەمێ جۆتیار ژ جۆتی دزڤرن،زارۆك و گەنجێن گوندی مال ب مال دگەرێن و هەر مالەك ئاگرەكی ژ رەشكێ هەلدكەت وجۆتیار دەوارێن خۆ یێن جۆتی دسەر ئاگریرا دبۆرینت و كابانیا مالێ"ئێمیشا"دگەل هندەك گەنم و جەهی ب سەر واندا هلادڤێژت،هلكرنا ئاگری،نیشانا خێر و بەرەكەتا رۆژێیە.
2.خەولێرە:نانەكی تایبەتە ب روونی دئێتە ڤەستران و مێویژەكێ دناڤ دكەن،ژنانێ ئاسایی ستوورترە،ئەڤ خەولێرە ل هێڤارا جەژنێ دئێتە شكاندن و ب قەدەر مرۆڤێن مالێ پرت پرت دكەن و ب سەر واندا دئێتە پشككرن و ئەو یێ مێویژ دبەهرا ویدا دچت،خەلاتدكەن و دبێژن:رسقێ مالێ ل وێ سالێ ل سەر ئێخبالا وییە.
ژێده‌ر:په‌رتۆكا ئێزدياتيێ يا قۆناغا دوازدێ ئاماده‌يى
تعليقات