ئێزدیخان نیوز:
چالاكڤانەكا ئێزدی راپۆرتەكێ ب دانەیا زمانێ ئنگلیزی دەربارەی حالەتێن رەتكرنێ بۆ 306پەنابەرێن ئێزدی،پێشكێشی چەند رێكخراوێن نێڤ دەولەتی و ناڤخۆیی یێن ئەلمانی دكەت.
چالاكڤانا ئێزدی"نارین شەمۆ"دپێگەها خۆ یا تۆرا فەیسبۆكێ دا راگەهاندیە و دبێژت:"ئەڤ راپۆرتا من پێشكێشی چەند رێكخراوێن نێڤ دەولەتی و ناڤخۆیی یێن ئەلمانی كری چەندین برگان بخۆڤە دگرت ل سەر ئەگەرێن كۆچكرنا ئێزدیان و كاودانێن وان و ژحالەتێن رەتكرنێ یێن 306پەنابەرێن ئێزدی و داتایێن وان پێك دئێت و ئەگەر و رۆنكرنان ل سەر ئەگەرێن رەتكرنێ،دیسان شرۆڤەكرنەك ل سەر كێشا وەرگێران ئەوێن ب شێوەیەكێ شاش وەردگێرن یان ب شێوەیەكێ سڤكاتیكرنێ ل داخوازكەرێن مافێ پەنابەریێ یێن ئێزدی دكەن".
ئەو چەندە ژی ئاشكەراكریە رۆژانە حالەتێن رەتكرنێ یێن نوو وەردگرم و دۆرێن 20حالەتان، ب هەلسەنگاندنا من ب سەدان حالەت هەینە،رێژەیەكا وان ناچار بووینە خۆ ڤەشێرن ویێن دی بۆ وەلاتێن پەنجەمۆر داین هاتینە هنارتن و هندەكێن دی تشتەكێ ژ چارەنڤیسێ خۆ نزانن و ئەو یێ ل هڤیێ نە.
ئەڤ چالاكڤانە دبێژت ژی رۆلێ دەزگەهێن فەرمی یێن ئێزدیان ل ئەلمانیا یێ گرنگە ل ڤێ قۆناغێ دا.
تعليقات