هاشم بۆزانی بەحسێ ئێكەمین هەلبەستا خۆ دكەت... نێزیكی100هەلبەستان نڤیسینە
ئێزدیخان نیوز:هۆگر نەجیب
هەلبەستڤان"هاشم بۆزانی"ل سالا1977ێ ل گوندێ بۆزا ژ دایك بوویە ،ل سالا2002ێ ئێكەمین هەلبەست بناڤێ(ڤینا یارێ) نڤیسیە،هەتا نۆكە د نڤیسینا هەلبەستێ دا بەردەوامە و دبێژت:هەلبەست هەست و هزرە.
بۆزانی گۆت:"ل سالا(2002)ئێكەمین هەلبەست من نڤیسی بناڤێ(ڤینا یارێ)ناڤەرۆكا وێ ل سەر ئەڤینیا من و كچەكێ بوو،ئەو هەلبەست بوو پالدەرەك بەردەوام بم ل سەر نڤیسینا هەلبەستێ".
هاشم بۆزانی زەلالكر:"بتنێ ل سەر شێوازێ قوناغا (ئازاد) هەلبەستێ دنڤیسم ، هۆزانێن من لسەر (ئەڤینی ،وەلات،غەریبی،جڤاكی)نە ،بۆ من جهێ شانازیێ یە ب چەكێ پێشمەرگایەتیێ و هەلبەستێن شۆرەشگێری بەرەڤانیێ ژ وەلاتێ خۆ دكەم".
هەلبەستڤانی دا دیاركرن:" ئەز هەلبەستێ ب زمانێ (كوردیا بادینی و ئەرەبی)دنڤیسم لێ ب پلە ئێك كوردی،ژبەركو زمانێ دەیكێ‌َ یە و ئارمانجا من ژ نڤیسنا هەلبەستێ خزمەتا وەلاتێ خۆ بكەم و ژ نڤیسینا هەلبەستێن خۆ یێ رازیمە،ژبەركو دزانم من ب ریێا هەلبەستێ خزمەتا وەلاتێ خۆ وا كری و ژبلی هەلبەستێ د چ بیاڤێن دی یێن وێژەیێ دا كارناكم".
ناڤبری هێشتا گۆت:"پێنچ هەلبەستێن من تۆماركرینە و دوو ژوان ل سەر كۆمكوژیا شنگالێ نە،ئەوا ل رێككەفتی(3/8/2014)ژلایێ توندرەوێن داعش ڤە هاتیە ئەنجام دان و من گەلەك هەلبەست لسەر قارەمانیا پێشمەرگەی و كارەساتا شنگالێ نڤیسینە و هندەك ژوان ژلایێ هۆنەرمەندان ڤە بووینە كلیپ".
دبێژت ژی هەلبەست هەست و هزرە،ژبەركو هزر رادبت ب دروستكرنا هەلبەستێ و هەلبەستڤان ب رێیا هەلبەستێ هەستێ خۆ دەردبرت".
هاشم سیتو خدر ناسیار ب (هاشم بۆزانی)ل سالا(1977)ل گوندێ بۆزان ژ دایك بوویە و خووندنا خۆیا سەرەتایی ل جهێ ژ دایكبوونا خۆ داوی ئینایە و قۆناغا ناڤنجی ل ناوچەداریا ئەلقوشێ ب داوی ئینایە،لێ ژبەر بارودۆخێ ژیانێ نكاریە پتر بەردەوامیێ بدەتە خووندنا خۆ ،لەورا دەست ژ خووندنێ بەردایە،هەتا نۆكە ل سەر نڤیسینا هەلبەستێ بەردەوامە و نێزیكی(100)هەلبەستان نڤیسینە و ئەڤە بۆ ماوێ شازدە سالایە وەك پێشمەرگەكێ چاڤ نەترس بەرەڤانیێ ژ ئاخا پیرۆزا كوردستانێ دكت.
تعليقات