پەرلەمانێ ئیتالیا كار ل سەر پرۆژە بریارەکێ دكەت بۆ جینۆساید ناساندنا كەیسا كوردێن ئێزدی
تۆرا لالش یا راگەهاندنێ
كۆنسلا گشتی یا وەلاتێ ئیتالیا ل هەولێرێ دهەڤدیتنەكێ دە لگەل بەرێز"شێخ شامۆ"نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ راگەهاند،پرۆژە بریارەک هەیە ل پەرلەمانێ ئیتالیا و نۆكە ل بەر دەستێ ئەندامایە و یێ ل سەر كار دكن ل وەختەكێ نێزیك بریارێ ل سەر دانپێدانا جینۆسایدا كوردێن ئێزدی بدەن.
ئیرۆ رۆژا سێ شەمبوویێ 27/12/2016ێ،بەرێز"شێخ شامۆ"نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ،هەڤدیتنەك لگەل كۆنسلا گشتی یا وەلاتێ ئیتالیا ل هەولێرێ كر.
دڤێ هەڤدیتنێ دا"شێخ شامۆ"پەیاما دەرد و داخوازیێن ئێزدیان تایبەت پشتی كارەساتا شنگالێ و وان زەرەر و زیانێن و زۆرداریا ل كوردێن ئێزدی هاتیە كرن ب شێوەیەكێ گشتی گەهاند و چەند داخوازی ژ كۆنسلا وەلاتێ ئیتالیا كرن،ژوانا بەردەوام بن ل سەر هاریكاریكرنا خەلكێ مە ب تایبەت یێن ژ دەستێ داعشێ قورتال دبن ژلایێ ساخلەمیێ ڤە و چارەسەركرنا وان ل وی وەلاتی و بەردەوامیێ بدەنە وان پرۆژێن خۆ یێن بۆ خووندنێ و هاریكاریێن مرۆڤی ،داخواز ژێكر ژی كو پتر هاریكاریێن مرۆڤی بۆ وان بێنە پێشكێشكرن،ژلایێ ئاڤەدانكرنا دەڤەرێن ئێزدیان یێن هاتینە داگیركرن ب تایبەت شنگال و سنوون و باشیك و بەحزانێ كو پشتی وێ داگیركرنێ ژێرخانا وان یا ئابووری تارادەیەكێ زۆر لاواز بوویە و نەمایە و پێتڤی ب ئاڤەدانكرنێ یە گۆت:"ئەڤ ئاڤەدانكرن نە دشیانێن حكوومەتا هەرێما كوردستانێ دانە و دڤیا وەلاتێن مینا ئیتالیا و ئێكەتیا ئەوروپی ب شێوەیەكێ گشتی پشتگیریێ بكن بۆ ڤەگەراندنا ژیانێ بۆ ڤان دەڤەران".
ژئالیەكێ دیڤە نوونەرێ كوردێن ئێزدی داخواز ژ كۆنسلێ كر كو دكەیسا جینۆساید ناساندنا كارەساتا ئێزدیان ل شنگالێ پشتگیریا ڤی بابەتی بكت ،كو ل سەر ئاستێ نێڤ دەولەتی كار ل سەر بكت و پشتەڤان بن كو ئەڤ جۆرە فەرمان و جینۆساید دووبارە نەبنە ڤە و باوەریا خەلكێ مە لێ ڤەگەرتە ڤە.
هەروەسا"شێخ شامۆ"دوو راپۆرتێن ئامارێن تەخمینی یێن زیانێن گیانی و مادی پێشكێشی كۆنسلێ كرن بۆ كو دەنگێ ئێزدیان و پێتڤیێن وان بگەهینتە وەلاتێ ئیتالیا و بكارن هاریكاریا مە بكن.
ژبال خۆڤە كۆنسلا ئیتالیا ب گەرمی ب خێرهاتنا"شێخ شامۆ" كر و زۆر سوپاسیا وی كر ژبۆ وان رۆنكرن و زەلالیێن داینێ لسەر رەوشا ئێزدیان و ب تایبەت یا كەمپان و دەڤەرێن وان ب گشتی پشتی كارەساتێ و دیاركر وەك وەلاتێ ئیتالیا بەردەوامن ل سەر هاریكاریكرنا ئێزدیان و ئەركێ جڤاكێ نێڤ دەولەتی هەموویێ یە ل سەر ئێزدیان خۆیی دەركەڤن پشتی ڤێ كارەساتێ،سەبارەت كەیسا جینۆسایدا ئێزدیان ل شنگالێ ژی دیاركر كو پرۆژە یاسایەك هەیە ل پەرلەمانێ ئیتالیا و نۆكە ل بەر دەستێ ئەندامایە و یێ ل سەر كار دكن كو باوەرم ل وەختەكێ نێزیك بریارێ ل سەر دانپێدانا جینۆسایدا كوردێن ئێزدی بدەن.
هەروەسا دیاركر ل دەمێ هاتنا وەزیرێ بەرەڤانیا وی وەلاتی بۆ هەرێما كوردستانێ و سەرەدانا كەمپا خانكێ كری پشتی رەوشا ئێزدیان دیتی هنگێ بریار دا خۆلەكا راهێنانێ بۆ هندەك كچێن ئێزدی ڤەكن ب تایبەت دبیاڤێ فۆتۆگرافی دە و هەر وان كچا ببەن ئیتالیا بۆ ماوێ دوو هەفتیان كو پێشانگەهەكێ ل وی وەلاتی ڤەكن.
كۆنسلێ تەكەزكر كو ئەم دێ دبەردەوام بن دكەرتێ ساخلەمیێ دە بۆ چارەسەركرنا دەروونی و ئێشێن جودا جودا و وەلاتێ مە یێ بەردەوامە ل هاریكاریكرنا خەلكێ پێتڤی وسۆزدا ل سەر ڤان هاریكاریان دبەردەوام بن.
گۆتژی ئەم گەلەك هاریكارییان دكن كو هنەكێ رەوشا كوردێن ئێزدی سڤك بكەین .
ل داویێ نوونەرێ ئێزدیا ل پەرلەمانێ کوردستانێ وسەرۆكێ دەستەیا بلندا بنگەهێ لالش كۆنسلا وەلاتێ ئیتالیا ب ئارمێ لالش خەلاتكر ،وەك رێزگرتن بۆ وان هاریكاریێن بەردەوام یێن پێشکێشی کوردستانێ ب گشتی و ئێزدیان ب تایبەتی کرین.
تعليقات