رزگاربوویه‌كا ده‌ستێ داعش: داعش ل بەر چاڤێن پبرەمێر و زەلامان دەست درێژی ل سەر کچ و ژنان دکر
ئه‌ڤرۆ نیوز:
(م، خ) ئەو ژنا ب سێ زارۆڤە و ل گەل ھەڤژینی خوە ل کارەساتا شنگالێ کەڤتیە د دەستێن رێکخراوا تیرۆرستی یا داعشێ دا بۆ ئەڤرۆ دبێژیت: دەمێ ئەم ژ حەردان ڕەڤین بەر ب ناحیا سنونێ ھاتین ل وێرە ئەم ھاتینە دەستەسەر کرن و د ماوێ شەڤ و رۆژەکێ دا تیرۆرستێن داعش ئەم ڤەگوھاستینە رەقە و بۆ ماوێ سێ رۆژان ل ناڤ قوتابخانەکێ دا بێ ئاڤ وخۆارن ھیلاێن.
(م، خ) ژنەکە د ژیێ 36 سالیێ دایە دیار کر نەخۆشترین دیمەن ئەو بوون دەمێ تیرۆرستێن داعش د ھاتن ل بەر چاڤێن پبرەمێر و زەلامان دەست درێژی ل سەر کچ و ژنان دکر و ھندەک جاران ل رەقە تایبەت دەمێ د بوو دەرنگی شەڤ شەڤ ئەمیرەکێ بێ نامووس د ھات چاڤێن خوە پیس ل ناڤ کچان د گیران ب کەیڤا خوە ئێک دبر و سپێدی دئێنا و گۆت: بۆ ماوێ دو ھەیڤان تیرۆرستێن داعش دو زارۆیێن من ژ من دوور کرن و شەڤ و رۆژا ئەز د خەم و ھزرێن وان ھەر دو زارۆیێن خوە دا بووم.
ڤێ ژنێ گۆتژی: ئەم بۆ ماوەیەکێ درێژ ل رەقە ماین و پاشی ئەم ڤەگوھاستینە تەلەعفەر و بۆ ماوێ دو ھەیڤان ل تەلەعفەر ھێلاینو ل وێرە ژی داعشا خرابتر ب سەرێ کچ و ژن و زارۆیێن ئێزدیان دئینا کەس نەدشیا تشتەکێ بیژتە تیرۆرستان، چونکی دەمێ ئەم د ئاخڤتین ئێکسەر تیرۆرستان دەست ب لێدانێ و ئەشکەنجەدانێ و ئیھانەکرنا مرۆڤی دکر، من ب چاڤێن خوە دیت ھەکو ب پرچا کچان دگرت و د برن دەنگێ ھەوار و گری و گازیا وان کچێن بێگونەە چ جاران ژبیر ناکەین، گەلەک جاران تیرۆرستێن داعش ل سەر بھایێ فروتنا کچان رێک نە د کەڤتن ترس و لەرزینەکا مەزن ئەم دگرتین، چونکو دەمێ داعشا کچەک دبر ھەموو کارێن خراب و بێ رەوشتی پێ دانە کرن.
ھەروەسا (م،خ) ئەو چەندە ژی گۆت: پشتی مە دو ھەیڤل تەلەعفەر دەرباز کرین ژ وێرە ئەم ڤەگوھاستینە گەیارە و ئەم د رەوشەکا دەروونی یا زۆر خراب دا بووین و ئەم کرینە دناڤ سەربازگەھەکا لەشکەری دا ب تنێ داعش تێدا بوون ل وێ سەربازگەھێ داعشا ئەم ل بەر گەرمێ ھێلاین بۆ ماوێ چەند رۆژان و پاشی ڤەگوھاستینە گۆندێ کۆچو ل کوچو بێھنا گەلەخا گەلەک دھات و گەلەک ھەستیکێن کوشتیان ل گۆندێ کوچو ھەبوون تیرۆرستێن داعش ئەم کرینە د خانیەکێ گوندێ کوچو دا و گەلەک خیزانێن دی یێن ئێزدی ئینابوونە کوچو لێ دناڤ گۆندی داعشا کەمینە دانابوون.
ڤێ ژنێ زێدەتر گۆت: بۆ ماوەکێ درێژ ئەم ل گوندێ کوچو ھێلاین پاشی جارەکا دی ئەم ڤەگوھاستینە تەلەعفەر و ل وێرە جارەکا دی چاڤێن مە ب زارۆیێن مە کەڤتن ئەوژی داعشا ئینان ئەو ژی گەلەک ھاتبوونە مەشقدان ل سەربازگەھێن تیرۆرستان و نڤیژ پێ دانە کرن دەمێ تیرۆرستێن داعشا دچوون دەرگەە ل مە دگرتن.
(م،خ) دا زانین ژی کو، تیرۆرستێن داعش تیر و پشک د کێشان و بۆ خوە کچ و ژن د برن و ھەردەم دگوت پێدڤیە ھەموویان بکوژین نەھێلینە ساخ، چونکی ئێزدی کاڤرن و گۆت: ل تەلەعفەر ئەم گەلەک ھاتینە ئیھانە کرن و ژ نەچاری رۆژەکێ من بریار دا خوە رزگار بکەم ب ھەر رێیەکا ھەبیت خۆ ھەکە داعش ل سەر جادەیان من و زارۆیێن من پرت پرت بکەن ئەو بوو شەڤەکێ تیرۆرستەک ھاتە مال و نڤست من زارۆیێن خوە ھەر سی راکرن و ب بێ دەنگی برنە بەر دەرگەھێ حەوشێ و ئەز زڤریمە ژوور من دیت تیرۆرست یێ نڤستیە و ئاگەە ژ مە نینە من بریا ردا خوە تەسلیمی چ مالا نەکەم، چونکی ھەموو مالێن تەلەعفەر پەیوەندی ل گەل داعشا ھەبوون.
ئەڤ خانمە د بەردەوامیا گوتنێن خوە دا دبێژیت: ب ترس و لەرز و ب شەڤێ مە خوە گەھاندە نھالەکێ ب رەخ تەلەعفەرڤە و باران دھات مەھا ئیًک بوو سالا 2016 ھێدی ھێدی ئەم رەڤین و بۆ ماوێ پێنچ رۆژان ماینە ب رێڤەبێ ئاڤ و خوارن ھەتا مە خوە گەھاندیە نێزیک کارگەھا چیمەنتویی ل شنگالێ ل وێرە پێشمەرگێ کوردستانێ پێشوازی ل مەکر و ئەم گەھشتینە دھۆکێ.
تعليقات