وەرزشڤانەكا ئێزدی پێنج سالە ل وەلاتێ ئەلمانیا پشتینەیان ب دەست خۆ ڤە دئینت
ئێزدیخان نیوز:
كچا ئێزدی"لیندا طوزو"خەلكێ وەلاتێ سوریا یە و نۆكە ل وەلاتێ ئەلمانیا ئاكنجیە، ئەڤ ماوێ پێنج سالانە وەرزشا تكوندو دكەت و هەر سالەكێ پشتینەیەكا باش ب دەست خۆ ڤە دئینت،هەروەسا زارۆكان ب ڤێ وەرزشێ راهێنان دكەت.
طوزو،بابێ كچا ئێزدی یا وەرزشڤان ب یارییا تكوندو بۆ مالپەرێ(ئێزدیخان نیوز)گۆت:"تەمەنێ لیندایێ 14سالن و ل دەستپێكێ فیرێ مەلەڤانیا بوو و گەهشتیە داوی قۆناغێ ئەو ژی ئازادكرنە،نۆكە و ئەڤ ماوێ پێنج سالانە وەرزشا تكوندو دكەت و هەر سالەكێ پشتینەیەكا باش ب دەست خۆ ڤە دئینت،پشتی دئێتە پشكنینكرن ژ لایێ راهێنەر و ستافێ دادڤانان،هەتا نۆكە شەش پشتینە ب دەست خۆ ڤە ئیناینە،داوی پشتینا ئەڤ سالە یا كەسك و شین و چار پشتینە ماینە بگەهتە یێ داویێ ئەو ژی پشتینا رەشە،پشتی ڤێ یاریا داویێ ل تكوندو راهێنەری نیشا دا كو زارۆكان راهێنان بكت ب ڤێ وەرزشێ و رازی بوو،نۆكە ژی زارۆكان راهێنان دكەت".
گۆتژی لیندا نۆكە بەردەوامیێ ددەتە خووندنا خۆ و ل پۆلا نەهێ یە و ل قوتابخانێ ل سەر پۆلا خۆ یا ئێكێ یە.
تعليقات