ئه‌مریكا: پشته‌ڤانیێ ل بزاڤێن نادیا موراد دكه‌ین
waar – دهوك :
وه‌زاره‌تا ده‌رڤه‌یا ئه‌مریكا، پشته‌ڤانییا خوه بۆ بزاڤێن نادیه موراد راگه‌هاند و دیاركر، پێدڤییه داعش به‌رپرسیارببیت ژ وان تاوانێن كرین.
د پرێس كۆنفرانسێ خوه‌یێ رۆژانه دا، جۆن كێربی په‌یڤدارێ وه‌زاره‌تا ده‌رڤه‌یا ئه‌مریكا گۆت: واشنتۆن پشته‌ڤانیێ ل بزاڤێن نادیه موراد كچه كوردا ئێزدی دكه‌ت، بۆ وێ یه‌كێ تاوانێن داعشێ ل هه‌مبه‌ر ئێزدییان كرین، بگه‌هنه دادگه‌ها تاوانێن نێڤده‌وله‌تی و داعش به‌رپرسیارببیت ژ وان تاوانێن كرین.
گۆت ژی: تا نها ژی هه‌ژماره‌یه‌كات مه‌زنا كچ و ژنێن ئێزدییان د ده‌ست داعشێ دا ماینه و ئه‌مریكا ژی مژوولی دیكیۆمێنت و به‌لگه‌یێن ساخه، بۆ وێ یه‌كێ كه‌یسێن هه‌نێ بچنه هه‌مبه‌ری دادگه‌ها تاوانێن نێڤده‌وله‌تی و داعش باجا كریارێن خوه بده‌ت.
تعليقات