ئێزدی جەژنا رۆژیێن ئێزی ساخ دکەن
باسنيۆز:
میرێن ئێزدیان دیارکر کوردێن ئێزدی ل ھەرێما کوردستانێ ب ئارامیی و ئازادیی رێ و رەسمێن جەژنا رۆژیێن ئێزی ساخکرن ، ئاوارین ئێزدی ژی دبێژن دەمێ دایک و خوشکێن مە ژ دەستێن تیرۆرستان رزگاردبن و ئەم ڤەگەرینە سەر مال ومولکێن خوە بۆ ئێزدیان خوشترین جەژنە، پتریا ئێزدیان ئاوارە ل ھەرێما کوردستانێ ئاکنجیی کرینە.
میر داسن فاروق بەگ ژ بنەمالا میرێن ئێزدیان دیارکر ئێزدی ل ھەرێما کوردستانێ ب ئارامیی و ئازادیی رێ و رەسمێن جەژنێن خوە دگێرن، سەرەرای پێرۆزکرنا جەژنی داخوازی دکەت کج و ژنێن رەڤاندنی بھێنە رزگارکرن و ھەموو ئێزدی ڤەگەرینە سەر مولکێن خوە و شنگال ببیتە پارێزگەە سەر ھەرێما کوردستانێ ڤە بیت .
مراد شنگالی ئێکە ژ ئاوارین ئێزدی ل کۆمەلگەھا شاریا ئاکنجیی کریە دیارکر ئەڤ سالا ئێزدی وەکو سالین بۆری رێ ورەسمین جەژنی ناگێرن ژبەر کو ئەم ھەموو ئاوارە نە ل ھەرێما کوردستانێ وخەلکی مەزاختین جەژنان نینن ھەتا بشیت جەژنی بکەت ھەردەمی دایک و خوشکین مە و ژ دەستین ھوڤانیێن تیرۆرستان ھاتنە رزگارکرن و ئەم ڤەگەریاینە سەر وارگەھی باب وباپیرین خوە ھندی خوشترین جەژنا بۆ ئێزدیان.
قەوال بەھزاد سلیمان، ئەندامێ جڤاتا روحانیا ئێزدیان پشتر بۆ (باسنیوز) دیارکر جەژنا رۆژیێن ئێزی دکەڤتیە د ئەینیا ئێکی دا ژ ھەیڤا کانوونا ئێکێ ب ھەژمارا رۆژھەلاتێ وەکو ھەر جەژنەکا دێ ئێزدی ل قەستا نێشانگەھێن خاسێن خوە دکەن پاشی کۆم دبن دجنە جەژنا ئێکدو بۆ دەمێ نێڤرۆ زەلام ل جڤاتێ دچڤیێن ھەکە ھات و ئاریشەک ھەبیت ل جڤاتێ دا چارەسەر دکەن ئەڤرۆ ئێزدی ری ورەسمین جەژنا رۆژیێن ئێزی دگێرن.
ئێزدی چەندین جەژن ھەنە ژوانا ژێ جەژنا خدر ئلیاس، جەژنا بیلندی، جەژنا رۆژیێن ئێزی، جەژنا جەمایی ، جەژنا چلی ھاڤینی و جەژنا سەری سالیێ و جەژنا قوربانیی ..
تعليقات