بنگەهێ لالش:جەژنا رۆژیێن ئێزی دەرفەتەکا ژبۆ خورتکرنا هەڤگرتنا جڤاکی
ئێزديخان نيوز:
جەژنا ڕۆژییێن ئیزی ب سەر مەدا تیت و ل دەمێ کو ئیزدی دەربازدبن د کاودانێت سەخت و دژواردا دگەل هەبوونا نیزیکی ٤۰۰ هەزار ئاوارا ل کەمپێت شەپرزە ل بن فشارا سەرمایا زڤستانا دژوار ، نەبتنێ نزم بوونا دژوار یا پلەیێن گەرماتیێ بەلکو د وان هاریکاریێن دگەهنە خەلکێ مە دوان کەمپاندا ژی کیم بووینە ، زیدەباری ئازارێن ب هزارێن خیزانا ئەوێن کیم دەرامەت یێن دخانیێت کرێ دا دژین .
جەژنا ڕۆژیێن ئیزی دەلیڤەکە بۆ هەمیان ژبۆ خورتکرنا گیانێ کارکرنا ب کۆم و پشتەڤانی و هاریکاریا هەژارێن پێویست ، و ئەو دەلیڤەیە ژبۆ خورتکرنا هەڤگرتنا جڤاکی یا کو جڤاکێ ئیزدی جودادکەت ژ جڤاکێن دیتر . وئەم ل دەستەکا بلندیا بنگەهێ لالش یێ ڕەوشەنبیری و جڤاکی، مە هەمی تاو نڤیسینگەهێن خۆ ئارستەکربوون ژبۆ پێشکێشکرنا هاریکاریێن پێدڤێ بۆ خەلکێ مە و هەر تاو نڤیسینگەهەک ل دووڤ شیانێن خوی بەردەست ، و ئەڤ چەندە هاتە ئەنجامدان ژ لایێ کادرێن مە ل وان تاو نڤیسینگەهان ، سەرەڕای کو ئەم ب هیڤی بوون پتر هاتبا کرن بەلێ دڤیت ئەم د واقعی بن و ئەم کاربکەن ل دووڤ وان شیانێت مە هەین .
و ژلایەکی دیڤە ئەم دووپات دکەین کو چ جەژن و هەلکەفتەکا ئاینی ڕامانا خۆ نینە دچارچۆڤێ هەبوونا پتر ژ ۲٥۰۰ گرتی ژ ژن و کەچ و زاڕۆکێن مە ددەستێ ڕێکخراوا تیرورستیا داعش دا ، ئەم بانگەوازیا خۆ دگەهیننە هەمی لایەنێن پەیوەندیدار ژبۆ زیدەکرنا هەولێن خۆ ژ پێخەمەتی ڕزگارکرنا وان خەلکێ مەیێن گرتی ژ دەستێ دڕندەترین ڕێکخستیا تیرورستی دچەرخێ نوودا .
سلاڤ بۆ گیانێ شەهیدێن کارەساتا شنگالێ و سلاڤ بۆ گیانێ شەهیدێن پیشمەرگە یێن خۆ کرینە قوربانی ژ پیخەمەتی ئازادکرنا پتریا ئاخا کوردستانێ و ب تایبەتی شنگال و باشیک و بەحزانێ .
دەستەیا بلندا بنگەهێ لالش یێ ڕەوشەنبیری و جڤاکی دهۆک
۱٥ـ۱۲ـ۲۰۱٦
تعليقات