ئێكەم بەلاڤۆكا رۆژنامەڤانیا ئێزدیان دێ ل بەغدایێ بەلاڤ بت
ئێزدیخان نیوز:
بەرنامەیەكێ ئێزدیان ل رادیۆیا (المساواە) دئێتە پەخشكرن،ژبۆ ڤەگوهاستنا كارەساتا ئێزدیان بۆ جیهانێ،هەروەسا ئێكەم بەلاڤۆكا رۆژنامەڤانیا ئێزدیان دێ ل باژێرێ بەغدایێ دەركەفت و پشتی ماوەیەكی دێ ژمارا ئێكێ بەلاڤ بت.
خەلدون سالم ئلیاس،پێشكێشكار و ئامادەكارێ بەرنامێ كاروبارێن ئێزدیان ل رادیۆیا(المساواە) بۆ مالپەرێ (ئێزدیخان نیوز) گۆت:"بەرنامە كارەساتا ب سەرێ ئێزدیان هاتی ڤەدگوهێزت پشتی دەست بسەر داگرتنا شنگالێ ژبال گرۆپێ تیرۆرستیێ داعش ڤە،دیسان دانەنیاسینا ئاینێ ئێزدیان بۆ جیهانێ كو ئاینەكێ ئاشتیخوازە،هەروەسا ب رێیا بەرنامەی قەبارەیێ كارەساتێ و چیرۆكێن رزگاربوویان و هەر تشتەكێ گرێدایی ب رۆژا رەش ڤە بۆ جیهانێ ڤەدگهوهێزین".
گۆتژی بەرنامە راستەوخۆ و ل سەر رادیۆیێ و تۆرا ئەنتەرنێتی بۆ هەموو جیهانێ و ب زمانێ ئەرەبی و ل رۆژێن چارشەمبوویان ل دەمژمێر پێنجی هێڤاری دئێتە پەخشكرن.
ناڤهاتی خودانێ بەلاڤۆكا رۆژنامەڤانیا ئێزدیانە ژی دبێژت:"ئەڤ بەلاڤۆكە دێ ل باژێرێ بەغدایێ ئێتە بەلاڤكرن،داكو جڤاكێ بەغدادی و دیتر بزانن چ ب سەرێ ئێزدیان هاتیە ژ تاوانێن كرێت،بەلاڤۆك ب زمانێ ئەرەبی یە و نە رۆژنامەیە و یا كچكە و ژ هەشت لاپەران پێك دئێت و تێدا رووبەرەك بۆ هۆزانڤان و رەوشەنبیر و نڤیسەرێن ئێزدیان دێ هەبت دا ئەنجامێن وان بگەهنە ژمارەكا مەزنا خووندەڤانان".
دازانین ئەڤ ئێكەم بەلاڤۆكا رۆژنامەڤانی یا ئێزدیانە ل بەغدایێ دئێتە بەلاڤكرن و پشتی ماوەیەكی دێ ژمارا ئێكێ بەلاڤ بت.
ئەو چەندە ژی ئاشكەراكر:"ئەڤ كارە هەموو ب پێكۆلێن كەسایەتی نە و ب شێوەیەكێ خۆبەخشانە بۆ خزمەتكرنا دۆزا ئێزدیان".
خەلدون سالم ئلیاس،پێشكێشكار و ئامادەكارێ بەرنامێ كاروبارێن ئێزدیان ل رادیۆیا(المساواە) بۆ مالپەرێ (ئێزدیخان نیوز) گۆت:"بەرنامە كارەساتا ب سەرێ ئێزدیان هاتی ڤەدگوهێزت پشتی دەست بسەر داگرتنا شنگالێ ژبال گرۆپێ تیرۆرستیێ داعش ڤە،دیسان دانەنیاسینا ئاینێ ئێزدیان بۆ جیهانێ كو ئاینەكێ ئاشتیخوازە،هەروەسا ب رێیا بەرنامەی قەبارەیێ كارەساتێ و چیرۆكێن رزگاربوویان و هەر تشتەكێ گرێدایی ب رۆژا رەش ڤە بۆ جیهانێ ڤەدگهوهێزین".
تعليقات