مەترسیەك ل سەر ئاوارێن خانكێ دروست بوو...لایەنێن پەیوەندیدار دئێنە ئاگەهداركرن
 |
| ئه‌رشيف |
ئێزدیخان نیوز:
ل دەرڤەی كەمپا خانكێ چار هەزار و 400خێزانێن ئاوارە دژین،هێشتا گازا سپی وەرنەگرتینە و هاریكاری كێم دگەهنە ڤان ئاواران،بەرپرسێ بنگەهێ لالش ل كۆمەلگەهێ دبێژت:داخوازێ ژ حكوومەت و رێكخراوا دكەین ب زووترین دەم گاز ل سەر خەلكێ ئاوارە بێتە بەلاڤكرن.
عەنتەر كەلۆ،بەرپرسێ بنگەهێ لالش تایێ خانكێ بۆ مالپەرێ(ئێزدیخان نیوز)خویاكر:"ژبەر رزگاركرنا مووسلێ هاریكاری كێم دگەهنە ئاوارەیان و نەدابەشكرنا گازێ بۆ ئاوارێن دەرڤەی كەمپا خانكێ بوویە ئاریشەكا مەزن و ئەو نۆكە پێتڤی نە،ژبەركو سەرمایە و ب تایبەت ل بن خیڤەتان دا،داخوازێ ژ حكوومەت و رێكخراوا دكەین ب زووترین دەم گاز ل سەر خەلكێ ئاوارە بێتە بەلاڤكرن".
كەلۆ ئەو چەندە ئاشكەراكر:"ژبەر دلۆپا پتریا خەلكێ مەیێ ئاوارە داخوازا لایلۆنان كریە یێن د دانێنە سەر و بن خیڤەتێ یان كاڤلی،ئەگەر باران ببارت مەترسی ل سەر ڤان ئاواران دێ دروست بت و لایەنێن پەیوەندیدار ژی هاتینە ئاگەهداركرن".
تعليقات