ئێزدی داخواز دكەن كەسێن فتنێ ل شنگالێ دروست دكەن ب توندی بێنە سزادان
ئێزديخان نيوز:
جڤاتا روحانیا ئێزدیان دگەل سەرۆك هوزیێن شنگالێ ل شێخان خرڤەبوون، كوشتنا دوو فەرمانبەران ریسوا وشەرمەزار كرن و داخواز كرن یاسا سەروەر بیت بكوژ بهێنە سزادان.
ئەڤرۆ 3/10/2016 سەیدو چەتۆ نوونەرێ خەلكێ شنگال بۆ (باسنیوز) دیاركر ئێزدی كوشتنا ب خیانەتا دوو كارمەندێن رێڤەبەریا رێك وپرا ریسوا و شەرمەزار دكەن و داخوازێ دكەین كەسین فتنەیان و تێكدانی ل شنگالێ دكەن ب توندی بهێنە سزادان ، پێدڤیە هەر كەس و لایەنەكێ تێكدانی بكەت بهێتە سزادان و قانوون سەروەربیت، كوشتنا دوو فەرمانبەران ل دەڤەرا شنگالی ئێزدی هەموو دلگرانكرینە.
سەیدو چەتۆ، نوونەرێ خەلكێ شنگال و سەرۆكێ كوتلا برایەتیی وپێكڤە ژیانێ ل جڤاتا پارێزگەها مووسلێ دیاركر هندەك كەسێن نە ناسیار و نەفس نزم كارێن هوڤانە و تێكدانی ل دەڤەرا شنگال دكەن و هەولدەن فتنەیان و دووبەرەكی ل ناڤبەرا خەلكێ شنگالێ دا دروست بكەن مخابن هندەك كەسێن نە ناسیار بارودوخی خەلكێ شنگال ئستغلال دكەن.
سەیدو چەتۆ خۆیا ژی كر سەرۆك هوزیێن شنگال دگەل ریهسپی دەڤەرا شنگال و جڤاتا روحانیا ئێزدیان و هەموو ئولدارێن ل شێخان خرڤەبوون بۆ ریسوا و شەرمەزاركرنا كارین هوڤانە یێن شنگال دهێنە ئەنجامدان ل سەر دەستێن كەسین نەفس نزم ونە ناسیار هەموو هەولدان دێ هێنە كرن بۆ سزادانا بكوژان.
تعليقات