جەژنا جەمایێ ئێكە ژ جەژنێن دێرینێن ئێزدیان
ئێزدیخان نیوز:
جەژنا جەمایێ ئێكە ژ جەژنێن دێرینێن مە ئێزدیان،رێ ورسمێن وێ بۆ دەمێ هەفت رۆژان،هەر ژ رۆژا(24تاكو 30)ئیلۆنا رۆژهلاتی،ئانكو ژ(7تا13)ی چریا ئێكێ ب هژمارا زاینی،ل پەرستگەها پیرۆزا لالش دئێنە گێران.
ئێزدی ژ هەموو دەڤەرا،قەستا پەرستگەهێ دكەن،لێ دیندار و سەرەدەری،گەرەكە ب رۆژەێ بەری گێرانا رێ ورەسمان لێ ئامادەبن.
رێ ورەسمێن جەژنێ:
1.هەموو هێڤارا چرایێن ئاقد و نیشانگەهێن خاسا دئێنە ڤێخستن.
2.هەر ئێزدییەكی قەستا پەرستگەهێ بكەت،گەرەكە دسەر پرا سەلاتێرا دەربازبت و بچتە سەر حەودا كانیا سپی و دەست و چاڤێن خۆ ب ئاڤا وێ یا پاك و پیرۆز،پاك و تەمیز بكەت،هەروەسان گەرەكە كانیاسپیو دەرێ قاپیێ و زمزمێ و سندرووكا شیخادی و بەرێ شباكێ و نیشانگەها شێخ فەخر(ئختیارێ مەرگەهێ)و مەزارگەهێ شێشمس و مەزارگەهێن شێخ و پیرێن خۆ زیارەتكەت.
3.ل هەموو هێڤارا سەما تێتە كێشان و قەول و بەیت و قەسیدە دئێنە گۆتن و قەوال دەف و شەبابا لێدخن.
4.ل هەموو رۆژان_سبەیكا،پشتی بەیتا سبێ و هێڤارا بەری بەیتا هێڤاری،رێ ورەسمێن قنتارێ دئێنە گێران.
5.ل رۆژا چارێ ژ جەژنێ،پەری دئێنە سواركرن.
6.ل رۆژا پێنجێ ژ جەژنێ،رێ ورەسمێن قەپاغێ دئێنە گێران.
7. ل رۆژا شەشێ ژ جەژنێ،بەری شباكێ دئێتە سواركرن.
8.كەسێ نەیێ مۆركری،ب ئاڤا كانیا سپی دئێتە مۆركرن.
9.سەرەدەریێن خاسا سماتێ چێدكەن و گۆڤەندا دەرێ كانیێ دئێتە گیچران.
10.ل رۆژا دومایكێ ژ جەژنێ،تاووس دئێتە جوانكرن.
شرۆڤەكرنا هندەك رێ ورەسمان:
1.چرا ڤێخستن نیشانا پیرۆزیارۆناهیێ و ئاگری یە.
2.دەربازبوون دسەر پرا سەلاتێرا،نیشانا پاككرنا نەفس و جانی یە ژ گوننەها.
3.كێشا سەمایێ،رێ ورەسمەكە دێرینە دناڤ پرانیا مللەتێن كەڤن دا هەبوو.
4.قنتار،رێ ورەسما هەڤكاری و دلخۆشبوونێیە دناڤبەرا شەمسانیا و ئادانیان دا.
5.قەباغ،رێ ورەسمەكا كەڤنە،نیشانا پێشكێشكرنا قورنیێیە بۆ خودانێ رۆژێ،ب هیڤیا هاتنا سالەكا پر خێر و بەرەكەت.
6.مۆركرن،فەرزەكە ژ فەرزێن تەریقەتێ،نیشانە بۆ پاككرن و حەلالكرنا مرۆڤی.
ژێدەر:پەرتۆكا پەروەردا ئێزدیاتی/پۆلا دوازدێ ئامادەیی
تعليقات