بەلگەنامەیێن تاوانێن هەموو پێكهاتان دێ ئێنە كۆمكرن
ئێزديخان نيوز:
رێڤەبەرێ گشتیی ل وەزارەتا كاروبارێن شەهید و ئەنفالكریان ل هەرێمێ دیاركر دەست ب وەرگرتنا بەلگەنامەیان هاتە كرن یێن تاوانێن دژی هەموو پیگهاتان هاتینە ئەنجامدان ل سەر دەستێ رێكخراوا تیرۆرستێ داعش، دی دەستەیا ڤەكولینی و كۆمكرنا بەلگەنامەیان ل دهۆكێ بەلگەنامەیێن مەسیحیان و شەبەك و كەكائیی و توركمان و ئیزدیان وەرگریت.
بەرەڤان حەمدی رێڤەبەرێ گشتیی ل وەزارەتا كاروبارێن شەهید و ئەنفالكریان دیاركر بەری نوكە بەلگەنامەیێن كوردێن ئێزدی بۆ جینوسایدی دهاتنە وەرگرتن ، ژ نوكە و پێڤە دێ بەلگەنامەیێن هەموو پێگهاتێن دەشتا مووسلێ هێنە وەرگرتن وەكو ئیزدی و مەسیجی و شەبەك و توركمان و كەكائیی و هەموو پێگهاتێن دێ زەرمەند بووین ل سەر دەستێن رێكخراوا تیرۆرستی داعش دووڤدا بەلگەنامە دێ هێنە رەوانەكرن بۆ هەر دادگەهەكێ تایبەتی دادگەها نیڤدەولەتی بۆ وی چەندی تاوانێ دژی هەموو پێگهاتان هاتینە ئەنجامدان ببنە جینوساید.
زێدەتر گۆتژی:" لیژنا بالا بۆ ناساندنا جینوسایدە كوردێن ئێزدی و پێگهاتین دێ هاتبوو دانان قورسیەیا تاوانی ل سەر كوردێن ئێزدی بوو چونكو تاوانا وان گەلەك مەزن بوو، پێگهاتێن دی ژی تووشی تاوانان بووینە وپشتی پێگهاتین دی سەرا وەزارەتی داین مە ب فەر دیت بەلگەنامەیێن وان پێگهاتین دی ژی بهێنە وەرگرتن ل دەستەیا ڤەكولینی و كۆمكرنا بەلگەنامەیان تیرۆرستێن داعش دژی هەموو پێگهاتان تاوان ئەنجام داینە".
ل مەها 10 سالا 2014 دەستەیا ڤەكولینی و كومكرنا بەلگەنامەیان ل سەر بریارا حكومەتا هەرێما كوردستانی هاتە ڤەكرن.
ژێده‌ر:باسنيۆز:
