ئێزديخان نيوز:
رێڤەبەرێ كاروبارێن رزگاربوویان ل پارێزگەها دهۆكێ دیاركر هەموو بەرهەڤی هاتنە كرن ل دەمێ دەستپێكرنا ئوپەراسیۆنا رزگاركرنا مووسلێ هەموو شیوەیان رەڤاندیێن ئێزدی بهێنە رزگاركرن و پلانەكا تۆكمەن بۆ رزگاركرنا رەڤاندیان هاتیە دارشتن.
حسێن كورو قائیدی، رێڤەبەرێ كاروبارێن رزگاربوویان ل پارێزگەها دهۆكێ بۆ (باسنیوز) دیاركر دووڤ زانیاریان، رێژەكا مەزن رەڤاندیێن ئێزدی ل مووسلێ نە، ل دەمی رزگاركرنا مووسلێ پێدڤیە هەموو بزاڤ بهێنە كرن بۆ رزگاركرنا ژن و كچ و زارۆیێن رەڤاندنی یێن هەتا نوكە ماینە دەستێ تیرۆرستێن داعشێ دا.
زێدەتر گۆتژی:" هێزێن ئێمناهیێ و هێزێن پێشمەرگەی كوردستانێ دێ كاری ژ بو رزگاركرنا رەڤاندیێن ئێزدی كەن. ئەم داخوازی دكەین د ئوپەراسێونێن جودا و نهێنی دا رەڤاندیێن ئێزدیان بهێنە رزگاركرن چونكو مەترسیی هەیە دەمێ شەر دەست پێ دكەت تیرۆرست ب رەڤن و كچ و ژن و زارۆیێن ئێزدیان گەل خوە ببەنە وەلاتێ سوریا. ئەم داخوازی دكەین هێزێن هەڤپەیمانان ب هووری چاڤدێریێ ل سەر ڤێ چەندێ بكەن كار بهێتە كرن زوو رەڤاندنێ بهێنە رزگاركرن".
حسێن قائیدی خۆیا ژی كر كو داخوازی دكەین دەمێ شەری مووسلێ دەست پێ دكەت رەڤاندنێ ئێزدیان دگەل ئاواریێن دی نەهێنە تێكەلكرن بۆ وی چەندی ئەم بشین زوو ب كاری خوە رابن و خزمەتا خەلكی خوە بكەن د بواری ساخلەمیێ دا.
