ل دێرەبوونێ ئاگر بەردبتە مالا ئاوارەیەكا شنگالێ
ئێزدیخان نیوز:
ل كۆمەلگەها دێرەبوونێ سەر ب ناوچەدارییا رزگاری و قەزا زاخۆڤە،دوهی ب رۆژ ئاگر بەردبتە مالا ئاوارەیەكا شنگالێ و خانیێ وێ یێ ئاخی دسۆژیت،خۆشبەختانە ژبلی زیانێن مادی یێن گیانی نەبوون.
رۆژنامەڤان"شەمال خدر" ژ كۆمەلگەها دێرەبوونێ بۆ مالپەرێ(ئێزدیخان نیوز)گۆت:دڤێ روودانێ دا خانیێ ڤێ ئاوارا شنگالێ و كەل وپەلێن ناڤ مالێ ژی هاتنە سۆتن، خۆشبەختانە ژبلی زیانێن مادی یێن گیانی نەبوون.
ئاشكەراكر ژی ئەڤ ئاوارەیا خانیێ وێ هاتی سۆتن خێزانا جانگۆریەكێ كارەساتا شنگالێ یە بناڤێ (بەرركات حتو حەسەن)ب دەستێ كافرێن داعش ل رۆژا 6/8/2014ێ دئێتە شەهیدكرن و دایكا چار زارۆكێن سێوییە ودبچووكن خودانكرنا وان ب زەحمەتە،چنكو بارێ وان یێ ئابووری گەلەكێ لاوازە ، پشتی ئەڤ بوویەرا سۆتنا خانیێ وان ژی هاتی سەرێ وان،ژیانا وان ب زەحمەتربوویە ژبەركو پێدڤی ب دابینكرنا جهی و كەل وپەلێن ناڤ مالێ و هاریكاریێ نە ،ئەڤجا داخوازێ دكن هەر كەس ولایەنەك یان رێكخراوەك بكارت هاریكاریا ڤێ خێزانا هەژارو ئاوارە بكت.
ناڤهاتی دا زانین ژی هەتا نۆكه چ هاریكاری بۆ نە هاتییەكرن.
