ده‌ست ب پەخشكرنا بەرنامێ ئێزیدخان هاتە كرن
ئێزدیخان نیوز:
كەنالێ كوردستان 24،بەرنامەیەكێ دكیۆمێنتی یێ تایبەت یێ ئێزدیان ب ناڤێ(ئێزیدخان) پەخش دكەت،هەتا نۆكە 6 بەرنامە هاتینە تۆماركرن و دوو ژێ هاتینە نیشاندان و كار ل سەر بەرنامەی بەردەوامە.
رسالە شەركانی،پێشكێشكارا بەرنامێ(ئێزیدخان) بۆمالپەرێ(ئێزدیخان نیوز)گۆت:ئەڤ بەرنامە یێ دكیۆمێنتی یێ هەمەرەنگە و هەموو ئالیان ژ ژیان و جڤاك و رەوشەنبیرییا ئێزدیان بخۆڤە دگرت،كو ل هەموو رۆژێن شەمبوویان و ل دەمژمێر 10:05خۆلەك ب شەڤێ دئێتە نیشاندان و ل رۆژا ئێك شەمبوویێ ل دەمژمێر 2:05خۆلەك پشتی نیڤرۆ دئێتە دووبارەكرن و ماوێ بەرنامەی 26خۆلەكن.
شەركانی ئەو ژی دازانین ئەڤ بەرنامە ژ ئامادەكرن و پێشكێشكرنا وێ یە و تێمەكا راگەهاندنێ یا تایبەتمەند ژ دەرهێنەران و وێنەگران و دیسان مونتێران ل هەولێرێ.
