قايممقامێ شنگالێ: بوودجە بۆ ڤەكرنا گۆرێن ب كۆمێن ئێزدیان نه‌هاتيە تەرخانكرن
ئێزديخان نيوز:
قائیمقامێ قەزا شنگال دیاركر حوكمەتا عیراقێ چوو بۆدجە بۆ ڤەكرنا گۆرین ب كۆم تەرخان نەكریە د وەختەكێ دا هەكە نەهێنە ڤەكرن دێ بەرەڤ نەمانی بچن.
مەحما خەلیل، قائیمقامێ قەزا شنگال بۆ (باسنیوز) دیاركر چوو هاریكاری بۆ ڤەكرنا گۆرێن ب كۆم نەهاتیە كرن، نە جارەكی بەلكو گەلەك جاران داخواز هاتیە كرن گۆرێن ب كۆم بهێنە ڤەكرن. هیشتا چوو دیار نینە. وەزارەتا شەهید و ئەنفالكریان ل هەرێمێ ژێ دبیژت بۆدجە نینە بۆ ڤەكرنا گۆرێن ب كۆم. ئەڤە وەرزی زڤستانی هات هەكە نەهێنە ڤەكرن نە دوورە زڤستان زیانی بگەهینتە گۆرین ب كۆم ئەڤە دێ كارتیكرنی دوسیەیا ئێزدیان بۆ جینوسایدی هێتە كرن ئەم داخوازی دكەن لەز بهێتە كرن بۆ ڤەكرنا گۆرین ب كۆم ل دەڤەرا شنگال.
قائیمقامێ قەزا شنگال خۆیا ژی كر كو دەهان گۆرین ب كۆم ل شنگال هەنە مخابن دەمێ ئەم داخوازا ڤەكرنا گۆرین ب كۆم دكەن دبیژن بۆدجە نینە. ئەم دبینن چونكو گۆرین ب كۆم یێن كوردێن ئێزدی نە لەورا ژی بۆدجەیی تەرخان ناكەن بۆ ڤەكرنا وان گۆرین ب كۆم. بەغدا ب چوو شیوەیەكێ نە یا هەڤكارە.
