پشتی دوو سالان هێشتا حكوومه‌تا عێراقێ ئاگه‌ه ژ رزگاركرنا ناوچه‌يا باشیكێ نينه
ئێزديخان نيوز:
سه‌رۆكێ جڤاتا ناحیا باشیكێ دیار كر ل رۆژا 6/8/2014 تیرۆرستێن داعش باشیكی و به‌حزانی داگیركری، دئه‌نجامدا 35 هزار وه‌لاتی ئاوارا بوونه هه‌رێما كوردستانێ، ئه‌ڤه دوو سالا سه‌ر داگیركرنا ده‌ڤه‌ری را چوون و هیشتا حوكمه‌تا عیراقێ رۆژه‌كی ژێ به‌حسی پلانا رزگاركرنا باشیكێ وبه‌حزانی نه‌كریه د بنیاتدا عیراقێ ئاگه‌ه ژ رزگاركرنا ده‌ڤه‌رێ نێنه.
داسن قه‌وال سلێمان، سه‌رۆكێ جڤاتا ناحیا باشیكێ، بۆ ( باسنیوز) دیاركر: "داخوازی ژ سه‌رۆك بارزانێ دكه‌ین پلانا رزگاركرنا باشیكی وبه‌حزانی بدانیت، سه‌رپه‌رشتیا شه‌ری رزگاركرنا باشیكێ وبه‌حزانی ژی بكه‌ت وه‌كو قه‌زا شنگال، داخوازی دكه‌ین له‌ز بهێته كرن بۆ رزگاركرنا ناحیا باشیكێ و بحزانی چونكو دڤان دوو سالێن بۆری دا تیرۆرستێن داعش زیانێن مه‌زن گه‌هاندینه خانێن وه‌لاتیان، چه‌ند رزگاركرنا باشیكی وبه‌حزانی گیروبیت ویرانكاری زێده‌تر دبیت".
سه‌رۆكێ جڤاتا ناحیا باشیكێ، زێده‌تر گۆتژی: "تیرۆرستێن داعش وژێر خانه‌یا ئابۆری و دام وده‌زگه‌هێن حوكمێ هه‌موو دخرابكرینه و یرانكرینه ئه‌ڤه خرابكرنا خانیان و تێكدانا ژێر خانه‌یا ئابۆری دێ بیته ئه‌گه‌ر وه‌لاتی باشیكی وبه‌حزانی نه‌شین زوو ڤه‌گه‌رینه سه‌ر مولگێن خوه ده‌مێ رزگار دبیت دێ ڤه‌گه‌ریانا وه‌لاتیان گه‌له‌ك زه‌حمه‌ت بیت و دناڤ كه‌مپێن ئاواراندا ژێ وه‌لاتێن باشیكی و به‌حزانی تووشی ئاسته‌نگ و ئاریشه‌یان دبن تایبه‌تی ژێ یێن ته‌ندروستی و ئابۆری و په‌روه‌ردی و ده‌روونی ئه‌ڤه دوو ساله به‌رده‌وام حكومه‌تا هه‌رێما كوردستانێ هه‌موو شیانێن خوه هاریكاریا ئاواران دكه‌ت دبه‌رامبه‌ر دا حوكمه‌تا عیراقێ وه‌كو پێدڤی بۆ ئاواران چ نه‌كریه".
