دۆسەیا نامەیا نادیا موراد دكۆنگرێ مافێ مرۆڤی دا ل جنیفێ هاتە وەرگرتن
ئێزدیخان نیوز:
رێڤه‌به‌رێ جێبه‌جيكارێ رێكخراوا یەزدا راگەهاند كو ئیرۆ 31ئابا 2016ێ،دكۆنگرێ مافێ مرۆڤی دا ل جنیفێ،دۆسەیا نامەیا"نادیا موراد" ژبال سەرۆكێ جڤاتا مافێ مرۆڤی یا نەتەوەیێن ئێكگرتی ڤە هاتە وەرگرتن.
موراد ئسماعیل،رێڤه‌به‌رێ جێبه‌جيكارێ رێكخراوا یەزدا دراگەهاندنەكێ دە ئاشكەراكر:دكۆنگرێ مافێ مرۆڤی دا سەرۆكێ جڤاتا مافێ مرۆڤی یا نەتەوەیێن ئێكگرتی پتریا پەیڤا خۆ ل سەر كۆمكوژیا ئێزدیان تەرخانكر و دۆسەیا نامەیا"نادیا موراد" ژبال وی ڤە هاتە وەرگرتن و حكوومەتێن بەلجیكا وسوید و فەرەنسا و بریتانیا و ئوسترالیا ب شێوەیەكێ بهێز بەحسێ دۆزا ئێزدیان كرن.
ئەو ژی دیاركریە كو بالیۆزێ عێراقێ"مویەد سالح"ب شێوەیەكێ راست دەردەسەریێن ئێزدیان ئینانە زمان و ب تایبەت دۆزا گرتیان و سوپاسیا وی دكەین بۆ هەلویستێ وی.
رۆنكریە ژی كو دۆزا مە نۆكە ل سەر ئەجندەیێن نێڤ دەولەتی یە و دڤێت كاربێتە كرن بۆ پشتەڤانیەكا مەزن ل هەیڤێن بێت دا.
