وه‌رگرتن و تۆمارا ب دەهان قوتابیێن ئێزدی هاتە رەتكرن
ئێزدیخان نیوز:
ب دەهان قوتابیێن ئێزدی یێن دەرچوویێن قۆناغا شەشێ ئامادەیی بەشێ زانستی یێن سالا خووندنێ 2013_2014ل كولیژان هاتینە وەرگرتن،ژبەر كاودانێن نۆكە بەردەوامی ب دەواما خۆ نەداینە،نوونەراتیا زانكۆیا مووسلێ ژی ب وان قوتابیان راگەهاند كو وەرگرتن وتۆماركرنا وان هاتیە راگرتن و رەتكرن و ماف نابت پێشكێش بكەنە ڤە.
چالاكڤانێ ئێزدی"تەلال هسكانی"راگەهاند، ب دەهان قوتابیێن ئێزدی یێن دەرچوویێن قۆناغا شەشێ ئامادەیی بەشێ زانستی یێن سالا خووندنێ 2013_2014كو ب رێیا ئەلكترۆنی پێشكێشی كولیژان كربوون و هاتنە وەرگرتن،بەلێ كاودانێن ب سەر دەڤەرێن دەشتا نەینەوا ب شێوەیەكێ گشتی وئێزدیان ب تایبەتی دەربازبووین،وان قوتابیان نكارین بەردەوامیێ بدەنە دەواما خۆ،لەوا سەرەدانا نوونەراتیا زانكۆیا مووسلێ بۆ سالا خووندنێ 2016كرن،بەلێ بەداخەوە ئەو ئاگەهداركرن كو وەرگرتن وتۆماركرنا وان هاتیە راگرتن و رەتكرن و ماف نابت پێشكێش بكەنە ڤە.
دایە زانین ژی داخوازێ ژجهێن شۆلەژێ دكەین دووبارە بەرێ خۆ بدەنە ڤی بابەتی بۆ چاوانیا هاریكاریكرنا وان،بۆ گرەنتیكرنا پاشەرۆژان وان.
