كۆمكوژیا ئێزدیان ل ئەلمانیا هاتە نیشاندان
ئێزدیخان نیوز:
دوهی 16ئابا 2016 و ب ئامادەبوونا سیاسەتمەدار و خەلكێ باژێرێ سالزكیتر یێ ئەلمانی و 100كەسایەتیان و هندەك خێزانێن شنگالێ یێن پشتی فەرمانێ كۆچكرین،فلمەكێ دكیۆمێنتی ل سەر كۆمكوژیا ئێزدیان ل شنگالێ هاتە نیشاندان.
شێوەكارێ ئێزدی"قاسم ئەلشەرقی"بۆ مالپەرێ(ئێزدیخان نیوز)دیاركر:ئەڤ فلمێ دكیۆمێنتی ژبال"دوزین تیكال" هاتیە دروستكرن كو ئێزدییا توركیا و خودانا رەگەزناما ئەلمانیە و رۆژنامەڤان و سیاسەتمەدارەكا ئەلمانی یاناڤدارە،پشتی كۆمكوژیا ئێزدیان چوو شنگالێ و فلمەكێ دكیۆمێنتی ل سەر كۆمكوژیێ دروستكر ژ چیرۆكێن ژن و زارۆكان و قارەمانێن چیایی و خیانەتكرنا داعش و تیرۆرستان دژی گەلێ ئێزدی.
ئەلشەرقی ئەو چەندە ژی خویاكر:پشتی تەمامبوونا فلمی پشتی نیشاندانا فلمێ وێ ل مەزنترین سینەمایێن ئەلمانیا ب زمانێ ئەلمانی و نیشاندانا فلمی ل پەرلەمانێ ئیلمانی ل بەرلین و ب ئامادەبوونا سەرۆك وەزیرا ئەلمانیا"ئنجیلا میركل" و گەلەك سیاسییان،فلمێ وێ دەنگ ڤە دا و دبەرژەوەندییا گەلێ ئێزدی دابوو،كو رۆلێ گرنگ ل ناڤ جڤاكێ ئەوروپی دا دیت،ل سەر كارێ خۆ یا بەردەوامە و ل هەموو باژێران فلم دئێتە نیشاندان ل دووڤ بەرنامەیێ وێ دانایی.
شێوەكاری گۆتژی دوهی 16ئابا 2016،ئەف فلمێ دكیۆمێنتی ل باژێرێ سالزكیتر یێ ئەلمانی ل سەر كۆمكوژیا ئێزدیان ل شنگالێ هاتە نیشاندان.
