شاندەكێ ئێزدی داخواز ژ ئوسترالیا كر بریارێ ل سەر كۆمكوژیا ئێزدیان بدەت
ئێزدیخان نیوز:
دوهی 23ئابا 2016ل سیدنی،چالاكڤانا مافێ مرۆڤی و بەربژێرا وەرگرتنا خەلاتێ نۆبلێ"نادیا موراد" و "ئەحمەد خودێدا"جێگرێ جێبەجێكارێ رێكخراوا یەزدا،چاف ب "مالكولم تیرنبول"سەرۆك وەزیرێن ئوسترالیا و وەزیرا دەرڤەیا وی وەلاتی و "جولی بیشوب" ئەنداما پەرلەمانی كەفت.
راگەهاندنا رێكخراوا یەزدا دیاركر:د دیدارێ دا كۆمەكا بابەتان ژ دۆزێن سەرەكی ل دۆر ئاشتییا جیهانی و گەفێن تیرۆرێ و توندرەویێ هاتنە گەنگشەكرن،هەروەسا"نادیا موراد" ل سەر چیرۆكا خۆ و یا هەزار قوربانیێن كۆمكوژیا بكۆم یا ددەرهەقێ ئێزدیان دا هاتیە ئەنجامدان ئاخڤی،دیسان ل سەر تاوانێن ئەنجامداین و یێن دكەتن داعش ددەرهەقێ گەلان و كێمینەیێن دیتر و گەفێن ل سەر ئاساییشا نێڤ دەولەتی ئاخڤی.
نادیا موراد،چالاكڤانا مافێ مرۆڤی و بەربژێرا وەرگرتنا خەلاتێ نۆبلێ داخواز كر ئوسترالیا رۆلەكێ مەزن ببینت بۆ ژناڤبرنا داعشێ و گرۆپێن دیتر یێن تیرۆرستی و رزگاركرنا گرتییان و ئەردی و دابینكرنا پیڤەرێن نێڤ دەولەتی بۆ پاراستنێ پشتی داعشێ.
رێكخراوا یەزدا دوو كتابێن فەرمی پێشكێشی حكوومەتا ئوسترالیا كرن ژوانا هاریكاریكرنا ئوسترالیا بۆ بابەتێ سزادانا نێڤ دەولەتی یا یاسایی بۆ چەكدرێن داعشێ و سەلماندنا كۆمكوژیێ ب شێوەیەكێ یاسایی،هەروەسا شاندی داخوازكر وەلات و پەرلەمانێ ئوسترالیا بریارێ ل سەر كۆمكوژیا ئێزدیان بدەت.
یەزدا خواست ئوسترالیا پێشوازیێ ل پتر ژ 10هەزار پەنابەرێن ئێزدی بكەت،ئەوێن دكاودانێن مەعیشی و دەروونی یێن ب زەحمەت دا دەرباز دبن و پێشكێشكرنا هاریكاریێن مرۆڤایەتی و ساخلەمیێ و پێشوازیكرنا قوتابیان ل زانكۆیێن ئوسترالیا.
