ڤيان ده‌خيل ژ سازيێن سڤيل دخوازت فشارێ ل حكوومه‌تا عێراقێ بكه‌ن

ئێزديخان نيوز:

 په‌رله‌مانتارا ئێزدى "ڤيان ده‌خيل"داخوازێ ژ سه‌نديكا پارێزه‌ران و رێكخراوێن جڤاكێ سڤيل دكه‌ت،فشارێ ل حكوومه‌تا عێراقێ بكه‌ن كو بچته‌ دپه‌يمانا رۆما دا. 

ئيرۆ 12ئابا 2016، په‌رله‌مانتارا ئێزدى "ڤيان ده‌خيل" دراگه‌هاندنه‌كێ دا دياركر:ژ سه‌نديكا پارێزه‌ران و رێكخراوێن جڤاكێ سڤيل و چالاكڤانێن سڤيل ل ناڤخۆ و ژ ده‌رڤه‌ى عێراقێ و هه‌موو خێرخوازان دخوازم،لگه‌ل مه‌ دابن بۆ ئێخستنا فشارێ ل سه‌ر حكوومه‌تا عێراقێ كو بچته‌ دپه‌يمانا رۆما دا يان مافى بده‌ته‌ دادگه‌ها تاوانێن نێڤ ده‌وله‌تى ڤه‌كۆلينێ ل سه‌ر دۆزا كۆمكوژيا بكۆم يا ئێزديان بكه‌تن.