1220 كه‌سان ژ ناوچه‌يا باعه‌درێ كۆچكرينه ئه‌وروپا
ئێزديخان نيوز:
ل 2 سالێن ده‌ربازبووی دگه‌ل پێلا كۆچبه‌ربوونا ئێزدییان ژ هه‌رێما كوردستانێ بۆ ئوروپا 1220 كه‌س ژ ناحیا باعه‌درێ یا سه‌ر ب قه‌زا شێخان چۆینه ئوروپا، رێڤبه‌رێ ناحیێ ژی دبێژه: رێژه‌یا زێده‌تر یا وان كه‌سێن كۆچبه‌ربووین گه‌نجن و 70 ژی فه‌رمانبه‌ر بوون.
ماف په‌روه‌ر شه‌مال محمه‌د ئه‌دیب، رێڤبه‌رێ ناحیا باعه‌درێ بۆ دواڕۆژ گۆت "نه‌بوونا ده‌لیڤه‌یێن كاری و و چه‌ند حه‌زێن گه‌نجان سه‌ده‌مێن سه‌ره‌كی یێن كۆچكرنێ بوون، گه‌له‌ك ژ وان كه‌سان یێن كۆچبه‌ربووین چاره‌نڤیسێ وان نه‌دیاره و د ده‌ریایان دا خه‌ندقینه، گه‌له‌ك ژوان فه‌رمانبه‌ران ژی موله‌تێن ده‌م درێژ وه‌رگرتینه".
خوه‌یاكر ژى "ل باعه‌درێ ئاریشه‌یا دابه‌شنه‌كرنا پارچێن ئه‌ردی هه‌یه و ئه‌م نه‌شێین پارچێن ئه‌ردی لسه‌ر گه‌نجان دابه‌ش كه‌ین، چنكو تا نوكه ئاریشه‌یا مه‌زن ل ناحیا باعه‌درێ ئه‌وه، خودانێن مولكان یێن ئه‌ردێ وان بۆ باژێرڤانیێ مایی نه‌هاتینه قه‌ره‌بۆكرن".
ژێده‌ر:دواڕۆژ
