محمود ئێزدی:حكوومەتا كوردستانێ پالپشتێ هەرە سەرەكى يە بۆ ناساندنا جینۆسایدا ئێزدیان
ئێزدیخان نیوز:هەژار مودیر/ئەلمانیا
محمود ئێزدی،ئەندامێ ئەنجوومەنێ سەركردایەتیا پارتی دیموكراتی كوردستان دووپات كر كو سەرۆك بارزانی و پارتی دیموكراتی كوردستان پشتەڤانێن خوەست و داخوازیێن كوردێن ئێزدییە ل هەر بوارەكی دا.
محمود محمود ئێزدێ،ئەندامێ سەركردایەتیا پارتی سەرەدانا بارەگایێ بنگەهێ لالش – ئەلمانیا ل باژارێ بیلیفیلد كر و دگەل دەستەیا رێڤەبەر و هژمارەك كەسایەتیێن ئێزدیان كۆمبوو و تێدا ب تێر و تەسەلی بەحسێ رەوشا نها یا كوردستانێ و دەڤەرێ كر،هەروەسا سیاسەتا سەرۆك بارزانی و سەركردایەتیا پارتی و پشتەڤانیا وان ژبۆ كوردێن ئێزدی.
ئەندامێ سەركردایەتیا پارتی گۆتژی سەرۆك بارزانی و پارتی هەردەم پشتەڤانێ تاكاننە بۆ خوەست و داخوازیێن كوردێن ئێزدی،سەبارەت ناساندنا روودانێن شنگال یێن ژبال تیرۆرستێن داعش ڤە هاتینە ئەنجامدان ئێزدی گۆت:"سەركردایەتیا پارتی و حكوومەتا كوردستانێ پالپشتێ هەرە سەرەكینە ژبۆ ناساندنا جینۆسایدا ئێزدیان.
ژبال خوەڤە ئەندامێن بنگەهێ لالش – ئەلمانیا ب كورتی بەحسێ رەوشا ئێزدیان كر و چەندین داخوازی و پێشنیار خستنە روو،ژبۆ پتر باشكرنا رەوشا كوردێن ئێزدی لبن سیبەرا حكوومەتا هەرێما كوردستانێ و سەرۆكاتیا سەرۆك"مەسعود بارزانی" و هەروەسا پشتەڤانیا تەڤایا ئەندامێن بنگەهێ لالش خوەیاكرن،ژبۆ هەولێن سەرۆك بارزانی ژبۆ سەربەخوەبوونا كوردستانێ.
