ئاواره‌كێ شنگالێ ل زاخۆ خه‌ندقی
ئێزديخان نيوز:
راگه‌هاندنا رێڤه‌به‌ریا به‌ره‌ڤانیا باژێری راگه‌هاند كو ئه‌ڤه ژ دوهی وه‌ره چار وه‌لاتی ل سنورێ پارێزگه‌ها دهۆكێ د ئاڤێ دا خه‌ندقین.
رائیدێ مافپه‌روه‌ر، بێوار عه‌بدولعه‌زیز، به‌رپرسێ به‌ره‌ڤانیا باژێری ل دهۆكێ بۆ ئه‌ڤرۆ نیوز گۆت: “ئه‌ڤرۆ به‌ری نیڤرۆ ئاواره‌كێ خه‌لكێ شنگال و ئاكنجی ل كه‌مپا پێرسیڤێ ب ناڤێ ئه‌سعه‌د عه‌بدولكه‌ریم قاسم، د ژیێ 15 سالیێ دا، ل سه‌ر خابیرێ زاخۆ نه‌ندقی”.
زێده‌تر گۆت: “تیمێن نقوومڤانان یێن بنگه‌هێ ئاگرڤه‌مراندنا زاخۆ شیان ته‌رمێ ڤی ئاواره‌ی ژ ئاڤێ بیننه ده‌ر و هاته ره‌وانه‌كرن بۆ نوشداریا داد ل زاخۆ”.
دا زانین ژی كو ئه‌ڤه د ده‌مه‌كی دایه كو دوهی سێ وه‌لاتی ل جهێن جودا یێن سنورێ پارێزگه‌ها دهۆكێ د ئاڤێ دا خه‌ندقینه.
ژێده‌ر:ئه‌ڤرۆ نیوز
