ناديا موراد گشتگره‌كرنا ئێزديان ل به‌رنامێ كۆچكرنێ دا دێ ل كه‌نه‌دا گه‌نگه‌شه كه‌ت
ئێزديخان نيوز:
ل سه‌ر داخوازناما په‌رله‌مانێ كه‌نه‌دى،چالاكڤان و رزگاربوويا ئێزدى "ناديا موراد" ورێڤه‌به‌رێ جێبه‌جێكارێ رێكخراوا يه‌زدا" موراد ئسماعيل"دێ پشكدارى روونشتنه‌كا تايبه‌تا په‌رله‌مانێ كه‌نه‌دى بن،بۆ گه‌نگه‌شه‌كرنا گشتگره‌كرنا ئێزديان ل به‌رنامێ كۆچكرنێ دا ل كه‌نه‌دا.
دوهى رۆژا ئێكشه‌مبوويێ 17ته‌موزا 2016،چالاكڤان و رزگاربوويا ئێزدى "ناديا موراد" دراگه‌هاندنه‌كێ دا ئاشكه‌راكر:ل سه‌ر داخوازناما په‌رله‌مانێ كه‌نه‌دى دێ پشكدارى روونشتنه‌كا تايبه‌تا په‌رله‌مانێ كه‌نه‌دى بن،بۆ گه‌نگه‌شه‌كرنا گشتگره‌كرنا ئێزديان ل به‌رنامێ كۆچكرنێ دا ل كه‌نه‌دا،ئه‌ڤ سه‌ره‌دان بۆ ماوه‌يێ هه‌فت رۆژان دێ يا به‌رده‌وام بت و لگه‌ل كه‌سايه‌تيێن حكوومى و په‌رله‌مانى كۆمبين بۆ گه‌نگه‌شه‌كرنا دۆزا جينۆسايدێ و گرتنا رێكاران بۆ فشاركرنێ ل سه‌ر دادگه‌ها نێڤ ده‌وله‌تى،ژبۆ ده‌ستپێكرنێ بۆ ڤه‌كرنا دووڤچۆنێ ل دۆر تاوانێن داعشێ.
ئه‌و ژى ئاشكه‌راكريه كو وان دێ ديدار هه‌بن لگه‌ل راگه‌هاندنێ و ده‌زگه‌هێن جڤاكێ سڤيل ل كه‌نه‌دا،ژبۆ ئاخفتنێ ل سه‌ر تاوانێن داعشێ ل دژى ژن و زارۆكان ل عێراق و سوريايێ.
