تیرۆرستێن داعشێ ژمارەیەكا ژنێن ئێزدی هنارتینە وەلاتێن لیبیا و ئەفغانستانێ
ئێزدیخان نیوز:
چالاكڤان خدر دوملی دبێژت،پتری 3400ئێزدی كو گەلەك ژوان ژن و زارۆكن،هێشتا د دەستێ تیرۆرستێن داعشێ دانە.
دوملی د داخویانیەكێ دا بۆ "رادیۆیا سەوا"گۆت:دەردەسەری یا بەردەوامە، هێشتا 3هەزار ژن و زارۆك د دەستێ داعشێ دانە و مە پێزانین ل سەر وان نینن ئەڤە ژ پتری سالەك و دوو هەیڤانە.
رۆنكر ژی كریار نەیا ب ساناهی یە و یا فەرە دەستێوەردانا لەز بێتە كرن بۆ ئازادكرنا وان.
ژئالیێ خۆڤە مەحما خەلیل،قایممقامێ شنگالێ دووپاتكر،تیرۆرستێن داعشێ ژمارەیەكا ژنێن ئێزدی هنارتینە وەلاتێن لیبیا و ئەفغانستانێ،رژدی ل سەر بەرێ خۆدانێ كر ل سەر پرۆژێن نەتەوەیێن ئێكگرتی ل دەڤەرێن رزگاركری،بۆ دووبارەیا گەشەپێدانێ ئاڤەدانكرنێ.
خەلیل دووپاتكر،پێدڤیە كریارا پەیوەندیكرنێ دناڤبەرا نەتەوەیێن ئێكگرتی و رێكخراوێن مرۆڤایەتی دا هەبت،بۆ دووبارە پێگەهاندنا رزگاربوویان،زێدەباری لەزكرن بۆ رزگاركرنا ژنێن گرتی.
