پارچه‌يه‌ك ژ ئێش و ئازارێت په‌نابه‌رێن ئێزدى ل ئه‌لمانيا

پارێزه‌ر:سالار فائز/ئه‌لمانيا

ئێزديخان نيوز:

ئه‌ز وه‌ك پارێزه‌ر هێشتا من ل ئه‌لمانيا كارنه‌كريه‌،لێ من گه‌له‌ك ئاگه‌هى ژ ره‌وشا په‌نابه‌رێن ئێزدى ژ نێزيك ڤه‌ هه‌يه‌،ئه‌و ژى ب ريێا هندێ من هاريكاريا گه‌له‌ك خه‌لكێ وان كرى وه‌كى ئه‌رك سه‌ر ملێ من،زۆر كارێ وه‌رگێرانێ من كريه‌ ل كه‌مپا بۆ زمانێ ئنگليزى ژ ئه‌ره‌بى و فارسى و كوردى و بلگارى بۆ كه‌سێن پێدڤى وه‌گ ب رێڤه‌برنا پرۆسێسا تۆماركرنا ناڤێ وان و پێزانينا يان بۆ كه‌سێن دچنه‌ نه‌خۆشخانێ يان ڤه‌گۆهاستن بۆ كه‌مپه‌كا دى وه‌ك داخوازى يان كه‌سه‌كى چاڤپێكه‌فتن هه‌با لگه‌ل كارگێريا كه‌مپێ،يان داخوازا زڤرينێ بۆ وه‌لاتێ خۆ كربا(ديپۆرت) ديسا من چه‌ند چاڤپێكه‌فتن كرينه‌ لگه‌ل رۆژنامه‌ڤانێن ئه‌لمانى.

ب راستى ئێش و ئازارێت په‌نابه‌را پرن وه‌ك ئێك وه‌لاتێ ئه‌لمانيا پره‌ ژ خه‌لكێ هه‌موو وه‌لاتا،دڤێت مرۆڤى هه‌دار هه‌بت هه‌تا كارێت وى ب رێڤه‌ دبه‌ن هنده‌ك كه‌س بێزار دبن ل چاڤه‌رێ كاخه‌زێن خۆ،هنده‌ك كه‌مپا هێلا تێله‌فون و ئنترنێتى نينه‌،هنده‌ك كه‌مپا خێزان تێكه‌لى زووگرتيانه‌،ديسان گه‌له‌ك جارا پۆست بۆ مرۆڤى تێن نه‌وه‌رگێراينه‌ بۆ وى زمانێ مرۆڤ بزانت،ديسان ياسايێت ئه‌لمانيا دئالۆزن مرۆڤ گه‌له‌ك جارى ب دراڤ دێ پارێزه‌ره‌كى گرت هه‌تا بكارت داخوازا مافێ خۆ بكه‌ت،ديسان مرۆڤ پشتى مافێ په‌نابه‌ريێ وه‌ردگرت ژى كێشه‌ به‌رده‌وام دبن،وه‌كى دابينكرنا خانى،ل سه‌ر هندێ را ئه‌و پارتێت توندره‌و وه‌كى نازيا گه‌ڤا ل په‌نابه‌را دكه‌ن،به‌لێ ل داويێ سوپاسدارين ژ ئه‌لمانيا كو ده‌رگه‌هێ خۆ بۆ مه‌ ڤه‌كر،ب هه‌زاران خه‌لكێ وێ هاريكاريا مه‌ كر.