ره‌وشا خێزانێن ل سنوونێ و چيايێ شنگالێ ئاكنجى ژ يا كه‌مپان باشتر لێهاتيه
ئێزديخان نيوز:
ژماره‌يا خێزانێن نهۆ ل كۆمه‌لگه‌هێن ناوچه‌يا سنوونێ و چيايێ شنگالێ ئاكنجى،گه‌هشتيه 5 هه‌زار و 300خێزانان،ره‌وشا وان ژى وه‌كى يا خێزانێن ل كه‌مپان دايه و باشتر لێهاتيه،ژبال خۆڤه ده‌زگه‌هێ خێرخوازيێ بارزانى پلێت بۆ وان رێكخستينه و ل دووڤ وێ پلێتێ هه‌يڤانه ئه‌رزاقى و هاريكاريان ل سه‌ر به‌لاڤ دكه‌ت.
ئلياس خدر،سه‌رۆكێ جڤاتا ناوچه‌يا سنوونێ بۆ مالپه‌رێ ئێزديخان نيوز گۆت:ره‌وشا خێزانێن نۆكه ل كۆمه‌لگه‌هێن سنوونێ و چيايێ شنگالێ وه‌كى يا وان خێزانێن ئاواره‌يه يێن دكه‌مپان دا ل هه‌رێمێ ئاكنجى و باشتر لێهاتيه،ژبه‌ركو پتريا وان دمالێن خۆ دا ئاكنجى نه،ئه‌م به‌رده‌وامين ل سه‌ر ڤه‌گۆهاستنا پلێتا ئاهێن خوارنێ بۆ ڤان هه‌موو خێزانان.
ئاشكه‌راكرژى ده‌زگه‌هێ خێرخوازيێ بارزانى پلێت بۆ ڤان خێزانان رێكخستينه و ل دووڤ وێ پلێتێ هه‌يڤانه ئه‌رزاقى و هاريكاريان ل سه‌ر به‌لاڤ دكه‌ت،هه‌روه‌سا ژ هه‌يڤا سێ وه‌ره ئاهێن خوارنێ بۆ سێ هه‌زار خێزانان هاتينه ڤه‌گۆهاستن.
