ل ڤێ ديدارا مێژوويى مير تشارلز سۆزدا پشته‌ڤانيا كێشا ئێزديان بكه‌ت بۆ نه‌هێلانا روودانا هه‌ر كۆمكوژيه‌كا دى يا ب كۆم ل دژى ئاينێ ئێزدى وپاراستنا كولتۆرێ وان يێ ره‌سه‌ن ل وه‌لاتێ لێ دئاكنجى.
ئه‌ڤ ديدار دچارچۆڤێ وان ديداران دايه،يێن شاندێ ئێزدى يێ نۆكه سه‌ره‌دانا بريتانيا كرى ل سه‌ر داخوازناما فه‌رمى يا جڤاتا گشتى يا بريتانى،كو چاف ب په‌رله‌مانێ بريتانيا و كه‌نيسا مه‌سيحى يا رۆژئاڤا كه‌فتيه.
ئه‌ڤ ديدار دئێن ژپێخه‌مه‌ت گه‌هاندنا ئازارێن كوردێن ئێزدى بۆ بريتانيا و جيهانێ و رۆنكرنا وێنه‌يا ئاينێ ئێزديان و يا تووشى زوولمێ بووين ل سه‌ر ده‌ستێ رێكخراوا داعش يا تيرۆرستى،ديسان داخوازكرنا پشته‌ڤانيا بريتانى يه بۆ ئازادكرنا گرتييان و هاريكاريكرنا ئاواره‌يان ورزگاركرنا ده‌ڤه‌رێن ئێزديان يێن ماين ژ ده‌ستێ داعشێ و هاريكاريكرن بۆ ئاڤه‌دانكرنا وان ده‌ڤه‌ران.
