وه‌يس نايف:درژدين ل سه‌ر گه‌هاندنا ئازارێن خه‌لكێ خۆ و پێدڤيێن وان بۆ جيهانێ
ئێزديخان نيوز:
سه‌رۆكێ جڤاتا قه‌زا شنگالێ دياركر،خزمه‌تكارى ل ناوچه‌يا سنوونێ ب هه‌موو كۆمه‌لگه‌هێن وێڤه و هه‌موو ده‌ڤه‌رێن رزگارى ل شنگالێ دكێمن،سه‌ره‌راى هه‌ول و پيكۆلێن مه ل سه‌ر داخوازكرنێ بۆ گه‌هاندنا خزمه‌تكاريان بۆ وان ده‌ڤه‌ران يێن ژێرخانه لێ هاتينه خرابكرن ل سه‌ر ده‌ستێ گرۆپێ داعش،حكوومه‌تا ئتيحادى ل به‌غدايێ دهه‌لويسته‌كێ شه‌رمينۆك و ته‌ماشه‌كرنێ دايه.
وه‌يس نايف،سه‌رۆكێ جڤاتا قه‌زا شنگالێ د داخويانيه‌كێ دا بۆ مالپه‌رێ ئێزديخان نيوز راگه‌هاند،ئه‌و پشته‌ڤانيا ژ رێكخراوێن خێرخوازى و حكوومه‌تا هه‌رێما كوردستانێ دگه‌هت جهێ سوپاسيێ يه،ئه‌م درژدن ل سه‌ر هه‌ولێن خۆ ژبۆ داخوازى و گه‌هاندنا ئازارێن خه‌لكێ خۆ و پێدڤيێن وان بۆ جيهانێ و چاره‌سه‌رى و جێبه‌جێكرنا داخوازيێن مه ژبۆ خزمه‌تكارنا مرۆڤايه‌تيێ.
پشتى قه‌زا شنگالێ ل سه‌ر هێزێن پێشمه‌رگه‌ى ب سه‌رپه‌رشتيا راسته‌وخۆيا(سه‌رۆك بارزانى)سه‌رۆكێ هه‌رێما كوردستانێ هاتيه رزگاركرن،هه‌تا نۆكه پترى 5هه‌زار خێزانێن ئاواره ڤه‌گه‌رياينه شنگالێ و ب تايبه‌ت بۆ ناوچه‌يا سنوونێ.
