التخطي إلى المحتوى الرئيسي
بحث هذه المدونة الإلكترونية
قايممقامێ شنگالێ:كێشا خه‌لكێ خۆ دێ گه‌هينينه نه‌ته‌وه‌يێن ئێكگرتى
ئێزديخان نيوز:
قايممقامێ قه‌زا شنگالێ دبێژت،ل ڤان نێزيكان دێ سه‌ره‌دانا باره‌گايێ نه‌ته‌وه‌يێن ئێكگرتى ل نيويۆرك كه‌ت،ده‌رباره‌ى ئاڤه‌دانكرنا شنگالێ و پرسا ب جينۆسايدناساندنا كاره‌سات و كۆمكوژيا ئێزديان دێ دانوستاندنێ ل سه‌ر كه‌ين.
مه‌حما خه‌ليل،ب مالپه‌رێ فه‌رميێ پارتى ديموكراتى كوردستان راگه‌هاند، ل ڤان نێزيكان دێ سه‌ره‌دانا باره‌گايێ سه‌ره‌كى يێ نه‌ته‌وه‌يێن ئێكگرتى ل نيويۆرك كه‌م،ل وێده‌رێ برياره چافێ مه ب (بان كى مۆن)سكرتێرێ گشتى يێ نه‌ته‌وه‌يێن ئێكگرتى ب كه‌ڤت،كێشا خه‌لكێ خۆ و ئاڤه‌دانكرنا شنگال و پرسا تاوانا جينۆسايدێ و هنارتنا تيمێن تايبه‌ت يێن گۆرێن ب كۆم،دێ گه‌هينيننه نه‌ته‌وه‌يێن ئێكگرتى.
خه‌ليل گۆتژى كێشا شنگال نێڤ ده‌وله‌تى و مرۆڤايه‌تى يه و وێران بوويه،له‌وا وه‌كو خزمه‌تكارێكى خه‌لكێ شنگال هه‌ر رێيه‌كا پێدڤى بكه‌ت دێ ئێخسمه به‌ر بۆ هاريكاريكرنا شنگاليان و ئاڤه‌دانكرن و ب جينۆسايد ناساندنا كاره‌سات و كۆمكوژيێ و رزگاركرنا ده‌يك و خوشكێن شنگاليان.
قايممقامێ شنگالێ دبێژت ژى شنگال به‌شه‌كه ژهه‌رێما كوردستانێ ژ روويێ ياسايى و ده‌ستوورى ڤه،مه نه‌ڤێت هيچ ئاسته‌نگه‌ك ژ روويێ سياسى ڤه دروست بت،نهۆ كه‌سه‌كى نابينين پشته‌ڤان و هاريكارێ مه بت جگه ژ(سه‌رۆك بارزانى)به‌لێ ماخبن هه‌رێما كوردستانێ ژى يا دقه‌يرانه‌كا دارايى دا،لگه‌ل هندێ شنگال ژى پێدڤى يه بێته ئاڤه‌دانكرن هه‌تا ئاوارێن مه بزڤرنه سه‌ر مال و حالێ خۆ.
