شانده‌كێ ئێزديان به‌ره‌ف بريتانيا ب رێكه‌فت

ئێزديخان نيوز:

ل سه‌ر داخوازناما جڤاتا گشتى يا بريتانى،شانده‌كێ ئێزديان يێ فه‌رمى ب سه‌رۆكاتيا جێگرێ ميرێ ئێزديان به‌ره‌ف له‌نده‌نێ ب رێكه‌فت.

  

ئيرۆ 10ئه‌يارێ 2016، شانده‌كێ ئێزديان  يێ فه‌رمى ب سه‌رۆكاتيا حازم  ته‌حسين به‌گ جێگرێ ميرێ ئێزديان و مه‌مۆ عوسمان وه‌زيرێ به‌رێ ل حكوومه‌تا عێراقێ و جه‌ميل سلێمان وه‌زيرێ چاندنێ يێ به‌رێ ل حكوومه‌تا هه‌رێما كرودستانێ  و پێشيمام فاروق پێشيمامێ باشيك و به‌حزانێ  و ميرزا حه‌جى ميرزا قيرانى ئێك ژ ريهسپيێن شنگالێ،ل سه‌ر داخوازناما جڤاتا گشتى يا بريتانى و ده‌زگه‌هێ وستمنستر يێ ديموكراسيێ و كه‌نيسا بريتانى و زانكۆيا ئه‌كسفورد و كاركرنێ لگه‌ل ده‌زگه‌هێ عه‌مار يێ خێرخوازى به‌ره‌ف له‌نده‌نێ پايته‌ختێ بريتانيا ب رێكه‌فت.

شاندێ ئێزديان دێ ديدارا و كۆمبوونا لگه‌ل حكوومه‌تا بريتانيا و سه‌نته‌رێن برياردانێ بۆ به‌حسكرنێ ل دۆر كاروبارێن ئێزديان و مه‌سه‌لا ئاواره‌يان و پێشكێشكرنا هاريكاريان بۆ وان،ديسان ب ده‌ست ڤه‌ئينانا پشته‌ڤانيا نێڤ ده‌وله‌تى بۆ ئاڤه‌دانكرنا شنگال و باشيك و به‌حزانێ پشتى رزگاركرنێ.  

  ديدارێن به‌رپرسێن ئێزديان دێ لگه‌ل كه‌سانێن برياردانێ ل په‌رله‌مانێ بريتانيا بت بۆ باشكرنا ره‌وشا كێمينه‌يان ب شێوه‌يه‌كى گشتى و ئێزديان ب تايبه‌تى.