بنگه‌هێ لالش و ره‌ڤه‌ندا ئێزديان هاريكاريێن دراڤى ل سه‌ر ئاواره‌يێن شاريا به‌لاڤكرن

ئێزديخان نيوز:

بنگه‌هێ لالش تايێ شاريا ب هه‌ڤكاريا كۆمه‌ك ژ خێرخوازێن ره‌ڤه‌ندا ئێزديان ل باژێرێ منشن يێ ئه‌لمانيا،ئيرۆدووشه‌مبوويێ،هاريكاريێن مادى ل سه‌ر 36خێزانێن سێوى يێن ئاواره‌ ل كۆمه‌لگه‌هێ ئاكنجى به‌لاڤكرن.  

دلگه‌ش سه‌ليم،به‌رپرسێ بنگه‌هێ لالش تايێ شاريا ب ئێزديخان نيوز راگه‌هاند،ب ئاماده‌بوونا به‌رپرسێن كه‌رتێن ئاواران ل كۆمه‌لگه‌هێ،ئيرۆ 2ئه‌يارێ 2016،بنگه‌هى ب هه‌ڤكاريا كۆمه‌ك ژ خێرخوازێن ره‌ڤه‌ندا ئێزديان ل باژێرێ منشن يێ ئه‌لمانيا گوژمه‌كى دراڤى  ل سه‌ر 36خێزانێن سێوى يێن ئاواره‌ ل كۆمه‌لگه‌هێ ئاكنجى به‌لاڤكرن،گۆتژى كاودانێن 3/8/2014كارتێكرنه‌كا مه‌زن كريه‌ سه‌ر جڤاكێ ئێزدى و بوويه‌ ئه‌گه‌را هندێ كو ژماره‌كا مه‌زن ژ زارۆكێن ئێزديان سێوى بمينن،گرنگى دان ب ته‌خا سێويان و به‌لاڤكرنا هاريكاريان ل سه‌ر وان دڤان كاودانێن خراب يێن ئابوورى و جڤاكى يێن كو ئاواره‌ تێرا ده‌رباز دبن كاره‌كى پيرۆزه‌ و پێتڤيه‌ هاريكاريا وان بێته‌ كرن ژ هه‌موو لايه‌كى ڤه‌ و دگه‌ل وان ب سه‌كنن.  

 به‌رپرسێ بنگه‌هێ لالش ئاماژه‌كر،سوپاسيا خێرخوازێن باژێرێ منشن دكه‌ين،ژبۆ هاريكاريێن مرۆڤايه‌تى يێن به‌رده‌وام پێشكێشى ئاواران دكه‌ن،ديسان سوپاسيا(خه‌لۆ له‌زگين)دكه‌ين كو رۆل هه‌بوو دكۆمكرنا ڤێ هاريكاريێ وب رێيا خۆ گه‌هاندينه‌ بنگه‌هێ لالش.