فه‌رمانده‌يه‌كێ پێشمه‌رگه‌ى ل شنگالێ راگه‌هاند،تا نۆكه به‌غدايێ ديناره‌ك ژى بۆ شنگال و ده‌وروبه‌ران ته‌رخان نه‌كريه،هاريكاريا وان هێزان دكه‌ت كو ژ وه‌لاتێن دى هاتينه،ئه‌و ژى بۆ دووبه‌ره‌كى و ئينانا كێشه و ئالۆزيايه ل شنگال دا،به‌لێ زۆر نه‌مايه و خه‌لكێ ناڤچه‌يێ ل دژى وان هێزان دێ سه‌كنن و ده‌رێخن.
قاسم دربۆ،فه‌رمانده‌يێ پێشمه‌رگه‌ى ل شنگالێ ب مالپه‌رێ پارتى ديموكراتى كوردستان گۆت:ئه‌ڤه بۆ سال و نيڤايه باژێرێ سنوونێ هاتيه رزگاركرن،هه‌روه‌سا شه‌ش هه‌يڤ پتره شنگال ژى رزگاربوويى،كو ئه‌ڤ جهنه تا نۆكه سه‌ر ب ئيدارا مووسلن،هه‌تا نۆكه حه‌يده‌ر عه‌بادى كو سه‌رۆك وه‌زيرێن عێراقێ يه ئێك دينار بۆ شنگال و خه‌لك و پێشمه‌رگه‌ى نه‌مه‌زاختيه.
گۆتژى ده‌مه‌ك كو رۆلێ سوپايێ عێراقێ ل شنگال و ده‌وروبه‌ران نه‌ما،نۆكه هاريكاريا په‌كه‌كه و يه‌په‌شه دكه‌ت،بۆ هندێ كێش و دووبه‌ره‌كيێ بۆ هێزێن پێشمه‌رگه‌ى و خه‌لك وئيدارا شنگال دروست بكه‌ن،ئه‌ڤه ژى نه‌ل جيێ خۆ دايه،نابت دراڤێ خه‌لكێ ناوچێ ب ده‌ته كه‌سانێن دى كو ژ وه‌لاتێن توركيا وسووريا هاتينه،پێدڤى يه په‌كه‌كه كو لايه‌نه‌كى كورده ده‌ست ژ وان كارێن خراب به‌رده‌ت و نه‌كه‌فته ژێر كاريگه‌ريا ئه‌جنده‌يێن ده‌ره‌كى.
دربۆ ئه‌و ژى گۆت:دڤێت خه‌لكێ شنگال هه‌ر چى زووه ل دژى وان هێزان ب سه‌كنن كو دووبه‌ره‌كيێ تێخنه ناڤ خه‌لكێ شنگال،دباوه‌ريێ دامه ل وه‌خته‌كى نێزيك دا خه‌لكێ شنگالێ ل دژى وان هێزان دێ سه‌كنن،خه‌لك قه‌بوول ناكه‌ن لايه‌نه‌ك كو جهێ وان باشوورێ كوردستانێ نينه بێنه شنگالێ و رێگريێ ل خه‌لكێ ناوچێ بكه‌ت،گه‌له‌ك نه‌مايه وان ژ شنگال و ده‌وروبه‌ران دێ دوور ئێخين و خه‌لك ل دژى وان دێ سه‌كنت.
