هۆنه‌رمه‌ندێ شێوه‌كار خدر دحام خه‌لكێ ناوچه‌يا سنوونێ يه و نۆكه ل وه‌لاتێ فه‌ره‌نسا ئاكنجى يه ودبێژت،سبه‌ى رۆژا دووشه‌مبوويێ 16ئه‌يارێ 2016،چالاكيه‌كا هۆنه‌رى ب ئاماده‌بوونا جه‌ماوه‌ركێ زۆر و راگه‌هاندنێ دێ ل به‌لچيكا ئێته سازدان و ژماره‌كا وێنه‌كێشا ژى دێ ئاماده‌بن ژبۆ به‌شداريكرنێ دكێشانا وێنه‌كى ديوارى يێ مه‌زن ل سه‌ر په‌رۆكێ،ئه‌ز ئێك ژ وانم و داخوازيه‌كا شانازيێ بۆ من هاتيه ژبۆ به‌شداريكرنێ و بابه‌تێ من دێ ل سه‌ر گه‌هاندنا ئێش و ئازارێن گه‌لێ منێ ئێزدى بت.
خدردحام،بۆ ئێزديخان نيوز گۆت:سبه‌ى رۆژا دووشه‌مبوويێ 16ئه‌يارێ 2016،چالاكيه‌كا هۆنه‌رى ب ئاماده‌بوونا جه‌ماوه‌ركێ زۆر و راگه‌هاندنێ دێ ل به‌لچيكا ئێته سازدان و ژماره‌كا وێنه‌كێشا ژى دێ ئاماده‌بن ژبۆ به‌شداريكرنێ دكێشانا وێنه‌كى ديوارى يێ مه‌زن ل سه‌ر په‌رۆكێ،داخوازيه‌كا شانازيێ و يا سه‌ربلند بۆ من هاتيه ژبۆ به‌شداريكرنێ دڤى وه‌رزى دا و ئه‌ڤه جارا ئێكێ يه به‌شداريێ دكه‌م ل به‌لچيكا،نه‌مازه كو رۆژنامه‌گه‌ريا به‌لچيكا يا هۆنه‌رى وێنێت من ل لاپه‌رێن خۆ دا به‌لاڤكرينه.
ناڤهاتى زێده‌تر گۆت:دڤێ چالاكيێ دا بابه‌تێ من دێ ل سه‌ر گه‌هاندنا ئێش و ئازارێن گه‌لێ منێ ئێزدى بت،هه‌لگرێ ملله‌ته‌كێ چه‌وساندى ل سه‌رده‌مێن ژمێژڤه و تا نهۆ مه،دێ شيانێت خۆ ده‌مه كارى و پێچێبوونێت من يێن كێم كو ناڤ و ده‌نگيا ره‌وشه‌نبيريا هۆنه‌رى يا ئێزديان بلند بت ل نك به‌ره‌بابێ مه يێ ئێزدى ئه‌وێ هلگرێ ئاره‌زۆيێ،داكو رێبازه‌كا سه‌ر بلند ب خۆڤه بگرت گرێدايى دۆزا ئێزديان،داكو نه‌ئێته قورخكرن بۆ جهه‌كێ دياركرى تاكو بگه‌هته ئاستێ خۆ يێ پێدڤى و هه‌رده‌م خزمه‌تكارێ ملله‌تێ خۆمه.
هۆنه‌رمه‌ندێ شێوه‌كار ئه‌و چه‌نده ژى ئاشكه‌راكر،ده‌ستپێكا گه‌ريانا من ل وه‌لاتێ فه‌ره‌نسا بوو،من به‌شدارى دچه‌ند پێشانگه‌هێن هۆنه‌رى دا كر ل وى وه‌لاتى و ژمن را شه‌ره‌فه‌ك بوو داخوازيا من يا شانازى هاته كرن ژلايێ فه‌ره‌نسا ڤه و به‌شداريكرن دگه‌ل كۆمه‌كا هۆنه‌رمه‌ندان ژ وه‌لاتێن جيهانێ يێن جودا جودا،ژبۆ وێنه‌كێشانا كه‌ڤاله‌كێ ديوارى ب درێژاهيا 10مه‌ترا و ب فراهيا 2مه‌ترا ل سالا بۆرى 2015،هژمارا مه 30هۆنه‌رمه‌ند بوون،هه‌ر هۆنه‌رمه‌نده‌كى ئه‌و بابه‌تێ ب وى ڤه گرێدايى وێنه‌كر و ل وى ده‌مى من بابه‌تێ خۆ ل دۆر ئێش و ئازارێن ئێزديان وێنه‌كر ب تبلان،ئه‌وێ چه‌ندێ ژى سه‌ره‌نجا جه‌ماوه‌رى و راگه‌هاندنا فه‌ره‌نسا كێشا،پتريا وان وێنه‌يێن ئه‌ز پێ به‌شداربوويم دچارچۆڤێ پێشانگه‌ها فه‌ره‌نسا دا ل سه‌ر ئازارێن ئێزديا دئاخڤى ل شنگال و لالش و باشيك و به‌حزانێ.
