ل ناڤ شاند و رێكخراو و پارتێن سياسى و كۆمه‌لايه‌تى و ره‌وشه‌نبيرى و چالاكڤانێن سڤيل يێن كورد ب تايبه‌تى و ره‌ڤه‌ندا عێراقێ ب گشتى،ل ناڤ باليۆزخانا عێراقێ دئێنه ديتن،بۆ پێشوازيكرن و هاتنا سه‌يوان بارزانى،ب مه‌به‌ستا ده‌ست بكاربوونا وى وه‌ك باليۆزێ نوو يێ عێراقێ.
نايف ره‌شۆ،به‌رپرسێ مالپه‌رێ هه‌كار نێت ل ئه‌لمانيا و كه‌سايه‌تيێ ئێزدى وب ياوه‌ريا شاندێ دگه‌ل دا وه‌ك توێژه‌كا زيندى ل ناڤ وێ كۆمه‌لگه‌هێ دا سه‌ره‌دانا باليۆزخانا عێراقێ ل وه‌لاتێ هۆله‌ندا كر و ب ئه‌ركێ خۆ زانى،ب چه‌پكه گول پيرۆزباهيا خۆ ئاراسته بكه‌ن و ل به‌رامبه‌ر دا،سه‌يوان بارزانى سوپاس و پێزانين خۆ ده‌ربرى،درونشتنه‌كێ دا ب كورتى به‌حسێ كارێ خۆ بۆ وان كر و دووباره سوپاسيا وێ سه‌ره‌دانێ كر.
هه‌روه‌سا به‌حسێ عێراقێ ب گشتى و كوردستانێ ب تايبه‌تى و ره‌ڤه‌ندا كوردى،هه‌روه‌سا ل سه‌ر پرسا جينۆسايدا ئێزديان بۆ به‌حسكرنێ و گيروگرفتێن ل سالێن بۆرى دا هاتينه پێش و بێ چاره‌سه‌ر ماينه هه‌ولا چاره‌سه‌ركرنا وان بێته كرن،بارزانى ده‌ست خۆشى و پيرۆزباهى ب هه‌لكه‌فتا بۆرينا هه‌شت سالا ب سه‌ر مالپه‌رێ هه‌كار نێت لێكرن و خواست زێده‌تر خزمه‌ت ب پرسا نه‌ته‌وه‌يا مه بده‌ن و به‌رده‌وام بن ل سه‌ر هه‌مان رێبازا كوردايه‌تيێ ل كار و خزمه‌تكرنێن خۆ دا.
