ئێزديخان نيوز:
ل رێككه‌فتى 14ئه‌يارێ 2016،بنگه‌هێ لالش تايێ شاريا ب هه‌ڤكارى دگه‌ل باخچێ شاريا يێ زارۆكان و ب ئاماده‌بوونا نوونه‌رێن دام وده‌زگه‌هێن حكوومى و حزبى و ده‌يك و بابێن زارۆكان،رابوون ب ئه‌نجامدانا ئاهنگه‌كا ده‌رچۆنێ بۆ زارۆكان.
بنگه‌هێ لالش تايێ شاريا دراگه‌هاندنه‌كێ دا به‌لاڤكر و دياركر،ئه‌ڤ ئاهنگه ژ چه‌ندين برگێن فلكلۆرى و شانۆگه‌رى و ستران گۆتن و نمايشێن جۆراوجۆر يێن زارۆكان پێكهاتبوو،دپه‌يڤه‌كێ دا كو حسنه كۆدى رێڤه‌به‌را باخچه‌ى پێشكێشكر تێدا به‌حسێ رۆلێ باخچه‌ى كر دچاڤدێرى و پێگه‌هاندنا زارۆكێن كۆمه‌لگه‌هێ دا،ژبه‌ركو زارۆك پشكۆژێن پاشه‌رۆژێنه و وه‌لات ل سه‌ر ده‌ستێ وان دئێته ئاڤاكرن دپاشه‌رۆژێدا،ل دووڤ دا دلگه‌ش سه‌ليم به‌رپرسێ بنگه‌هى په‌يڤه‌ك پێشكێشكر و تێدا سوپاسيا رێڤه‌به‌ر و مامۆستايێن باخژه‌ى كر دخزمه‌تكرنا زارۆكێن ده‌ڤه‌رێدا.
هه‌روه‌سا ئارمانج ژ ڤێ ئاهنگێ پشته‌ڤانيكرن بوو بۆ پتر چاڤدێريكرنا ته‌خا زارۆكان،ل داويێ باوه‌رنامێن ده‌رچۆنێ و ديارى ب سه‌ر زارۆكێن باخچه‌ى هاتن به‌لاڤكرن.
