التخطي إلى المحتوى الرئيسي
بحث هذه المدونة الإلكترونية
شانده‌كێ ئێزدى نامه و كێشا ئێزديان دگه‌هينته مه‌رجعيه‌تا شيعه‌يان
ئێزديخان نيوز:
شانده‌كێ چالاكڤانێن ئێزدى ژ پارێزگه‌هێن دهۆك و مووسلێ،سه‌ره‌دانا پارێزگه‌هێن نه‌جه‌ف و كه‌ربه‌لا كريه بۆ گه‌هاندنا نامه و كێشا ئێزديان و داخوازكرنا پشته‌ڤانيێ بۆ ئازادكرنا كچێن ئێزدى ژ ده‌ستێ داعشێ،ژبه‌ركو ژنێن ئێزدى ل بازاران يێ دئێنه كرين وفرۆتن.
مه‌يسه‌ر ئادانى،چالاكڤانێ ئێزدى بۆ مالپه‌رێ ئێزديخان نيوز خوياكر،ل ده‌ستپێكێ مه سه‌ره‌دانا سه‌ماحه‌تا مه‌حه‌مه‌د مه‌حسن ئه‌لحه‌كيم كر،ئارێشێن ئێزديان و ئه‌وا تووشبووينێ ل سه‌ر ده‌ستێ تيرۆرستان پێشكێشى وى كرن و نامه‌يه‌ك مه ل دۆر ئێزديان و ئاينێ ئێزديان دا وى ئه‌وا مه لگه‌ل خۆ برى ژرێڤه‌بريا گشتى يا كاروبارێن ئێزديان ل حكوومه‌تا هه‌رێما كوردستانێ،ده‌رده‌سه‌ريێن ئێزديان و ئاواره‌يێن ئێزديان مه گه‌هاندنه مه‌رجعيه‌تێ،پشتى هنگێ مه سه‌ره‌دانا ده‌زگه‌هێ ئه‌ليه‌تيم يێ خێرخوازى ل نه‌جه‌فێ كر و ئامار دانێ ل دۆر زارۆكێن مه يێن ئێتيم و ئه‌وا تووشبووينێ ل ڤێ كۆمكوژيێ و پێدڤيێن وان،نامه‌يه‌ك نڤيسى ل دۆر ئێزديان و داخوازيێن ئێزديان و مه دا نڤيسينگه‌ها سه‌رۆكێ ده‌زگه‌هێ ئه‌لخوئى ل نه‌جه‌ف.
ئادانى ئه‌و چه‌نده ژى خوياكر،پشتى نه‌جه‌ف مه سه‌ره‌دانا پارێزگه‌ها كه‌ربه‌لا كر و چاف ب چه‌ندين خه‌لكێ وێ كه‌فت و ب تايبه‌ت شيعه‌يان ژ تلعه‌فه‌رێ ونوونه‌رێ ئه‌حمه‌د سافى ئه‌لكه‌ربه‌لائى و ئه‌و نوونه‌رێ سه‌ماحه‌تا عه‌لى سيستانى يه،ئه‌وا ئێزدى ل ڤێ فه‌رمانێ تووشبووينێ مه شرۆڤه‌كر و ئێزدى پێدڤى پشته‌ڤانيا مادى نه بۆ ئازادكرنا كچ و ژنێن ئێزدى،مه دڤێت تشته‌كى بۆ ئێزديان بكه‌ن و نامه‌يا ئێزديان مه ڤه‌گۆهاست بۆ مه‌رجه‌عيا شيعه و حه‌سينياتا و مه داخوازا پشته‌ڤانيێ بۆ ئێزديان كر.
