ئێزديخان نيوز:
ل رێككه‌فتى 17ئه‌يارێ 2016،ل له‌نده‌ن پايته‌ختێ بريتانيا،باليۆزا ئاشتيێ ناديا موراد ئيمزا ل سه‌ر كتابه‌كا فه‌رمى كر و ب رێيا باليۆزخانێ راده‌ستى حكوومه‌تا عێراقێ كر،كو داخوازكريه حكوومه‌تا عێراقێ رازى بت ل سه‌ر ڤه‌كۆلينێ ل سه‌ر تاوانێن داعشێ ژبال دادگه‌ها تاوانێن نێڤ ده‌وله‌تى،ل ماوه‌يه‌كێ ده‌ست نيشانكرى ژ 1ئابا 2014بۆ 31ئابا 2015ل قه‌زا شنگالێ.
باليۆزا ئاشتيێ ناديا موراد دراگه‌هاندنه‌كێ دا به‌لاڤكريه و دياركريه،ئه‌ڤ هه‌وه ب پشته‌ڤانيا لويس ئاوكامبو پارێزه‌رێ نێڤ ده‌وله‌تى و سه‌رۆكێ دادگه‌ها تاوانێن نێڤ ده‌وله‌تى يێ به‌رێ يه،رێكخراوا يه‌زدا لگه‌ل من به‌شداربوو ل سه‌ر ئيمزاكرنا كتابێ،ديسان ده‌زگه‌هێ وه‌لاتيان ژ جيهانێ يێ نێڤ ده‌وله‌تى پترى 14هه‌زار ئيمزايان كۆمكرن بۆ پشته‌ڤانيكرنا داخوازيێ،هه‌روه‌سا ده‌زگه‌هێ بنگه‌هێ دادپه‌روه‌ريا نێڤ ده‌وله‌تى،پارێزه‌ر جوانا فريفيت و راگه‌هاندكار ئه‌ليزابيث براون.
ناديا موراد ئه‌و چه‌نده ژى خوياكريه،من ئيمزا ل سه‌ر كتابه‌كا فه‌رمى كر و ب رێيا باليۆزخانێ راده‌ستى حكوومه‌تا عێراقێ كر،كومن داخوازكريه حكوومه‌تا عێراقێ رازى بت ل سه‌ر ڤه‌كۆلينێ ل سه‌ر تاوانێن داعشێ ژبال دادگه‌ها تاوانێن نێڤ ده‌وله‌تى،ل ماوه‌يه‌كێ ده‌ست نيشانكرى ژ 1ئابا 2014بۆ 31ئابا 2015ل قه‌زا شنگالێ.
هه‌روه‌سا ئۆمێده‌وارين ژ حكوومه‌تا عێراقێ حوكمێ دادوه‌رى قه‌بوول بكه‌ت دڤێ دۆزێ دا تاكو دادگه‌ه وه‌رگرت،دا دادگه‌ها تاوانێن نێڤ ده‌وله‌تى ڤه‌كۆلينێ ل سه‌ر دۆسا كۆمكوژيێ و دادپه‌روه‌ريێ بۆ قوربانيێن كۆمكوژيێ بكه‌ت.
